Luku 12:37 - Dɔnɔn kə̂ Siki: Tar kə̂ aw arə təbbə

³⁷ Maji arəde, dede kə̂ njê-kulaje kə̂ əbbədede a tee kingade dɔ bbi tə̂ ang. Tɔkɔrɔ m-pa marəse, əbbədede le a kula kubbu kula laa, nâ karə disije ta tabələ tə̂ ngaâ nâ ddee karəde nɛ̂n-kusa.

Maketuru le Lubba ke tar kabba

³⁷ Koko isi ke nje-kulaje ke ebbedede a tee kingade dɔ bbi te ang. Tɔkɔrɔ m-pa marese, na kula kubbu kula laa, na kare disije ta tabele te ngaa na ddee ngɔsi mba dda ke de.

Luku 12:37 Iomraidhean Croise

Matiye 24:42

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

Luku 12:36

Sese, maji karə ə-toje tokə dəwje kə̂ aw ngəbbəje karə əbbədede in lo kusu taa-naan tə̂ ddee ngaâ unda ta-kəy a, ɔruje kə ngɔru arɛ̂je.

Luku 12:43

Maji arɛ̂, ne kə̂ əbbeeje le təl ddee ingɛ̂ ta kula tə̂ le.

Luku 17:8

Nâ pa baann ang. Nâ pa nan: ‹Ə-dda nɛ̂n-kusa kə̂ lo-kul tə̂ arəm, ula kubbu kə̂ maji bbo ə-ddee kə nɛ̂n-kusa le arəm musa, ta arəm nɛ̂n may. Goe tə̂ bba ta əi kara usa nɛ̂n ta ay nɛ̂n.›

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Luku 22:27

Nân â to dəw kə̂ bo wa? Dəw kə̂ isi ta nɛ̂n-kusa tə̂ wase dəw kə̂ aw unda nɛ̂n-kusa nɔn nje-marɛ̂ tə̂ le wa? Dəw kə̂ isi ta nɛ̂n-kusa tə̂ le â to dəw kə̂ bo ang wa? A əman, mee horose tə̂ tokə lə nje-kula lə dəwje.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

Pilipinyɛje 1:21

Mba kə̂ kəjə tə̂ ləm, kisi kə təbbə to Kristə, a koy to kinga nɛ̂n.

Pilipinyɛje 1:23

Kəjə ləm ee joo joo: M-ndiki ta kinya nangə nəənn ta kaw kisi kə Kristə. Yeenn bba a maji nya.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»