Luku 12:17 - Dɔnɔn kə̂ Siki: Tar kə̂ aw arə təbbə

¹⁷ Nəjə məɛ̂ tə̂ nan: Ddi â mâ dda wa? Lo kə̂ bo asə ta kuja ko-ndɔɔje ləm kungu tə̂ goto.

Maketuru le Lubba ke tar kabba

¹⁷ Neje mee te na: Ma dda toke baann wa? Mba me ke lo ke ma mbɔn ne-ndɔɔje lem ke te ang.

Luku 12:17 Iomraidhean Croise

Matiye 16:7

Njê-njaje goe tə̂ le aw əjəje tar ngaâ aw paje nan: «Məje kə̂ oy ta koto mapaje le â naw pa nɛ̂n tar nəənn.»

Matiye 5:42

Bbo dəw duji nɛ̂n a, arɛ̂. Ngaa bbo dəw duju ta tunain nɛ̂n a, ɔkɛ̂ ang.»

Luku 10:25

Marə nje-gərə-Ndu in ar taar ngaâ duju tar Jeju mba nɛɛ̂n nɛ̂n. N̂-pa nan: «Nje-nɛ̂n-tɔju, ddi â mâ dda bba mâ kinga nɛ̂n təbbə kə̂ to kə ndɔ kə ndɔ wa?»

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 12:16

Jeju pa marə gusu-tar arəde nan: «Marə nje-nɛ̂n-kinga to, ndɔɔ laa andə nɛ̂n-kusa nya.

Luku 12:18

Goe tə̂ a, n̂-pa nan: ‹Nɛ̂n kə̂ mâ dda â nəənn: Mâ tin damje ləm, mâ kuru damje kə̂ bo ta mâ mbɔn ko-ndɔɔje ləm kə kəsə nɛ̂n-kingaje ləm tɔyn kungu məɛ tə̂.

Luku 12:22

Goe tə̂ a, Jeju pa arə njê-njaje goe tə̂ nan: «Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm mba kubbu kə̂ ta kula rɔse tə̂ ang ddəm.

Luku 12:29

Sese, maji karə ə-sangəje nɛ̂n kə̂ ta kusa ang ddəm, nɛ̂n kə̂ ta kay ang ddəm ta ə-jɔkuje rɔse ang.

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 16:3

Nje-ngəm nɛ̂nje le pa məɛ̂ tə̂ nan: ‹Əbbəmje a ta kɔrum ta nɛ̂nje tə̂ laa nəənn, ddi â mâ dda wa? Minga singa ta ndɔɔ ang ngaâ nɛ̂n-kɔy to rɔ-kul ləm nya tɔ.

Luku 16:9

Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 19:17

Əbbeeje le pa arɛ̂ nan: ‹Maji, nje-kula kə̂ maji! Mundai to ngonn mbay dɔ ngann bbeje tə̂ dɔku, mba nɛ̂n kə̂ tɛn kə̂ dari ə-dda nɛ̂n kula kə dɔgɔlɛ̂.›

Luku 3:11

Nilade tə̂ nan: «Maji karə dəw kə̂ kubbu laa kə̂ taar ee joo a, unn kâra arə dəw kə̂ kubbu due, dəw kə̂ nɛ̂n-kusa laa to a, dda tokə baann tɔ.»

Kulaje 16:30

Goe tə̂ a, nje-ngəm ta kəy-kula le arə Pɔl de kə Silas n̂-teeje ddaka ngaâ n̂-dujude n̂-pa nan: «Əbbəmjedede ddi â mâ dda bba mâ kinga kaji wa?»

Kulaje 2:37

Dəwje le ooje tar le a, gangə singade. N̂-dujuje Piyɛr kə kəsə njê-kaw-kulaje le nan: «Ngakɔnjeje, ddi â maji karə n-dda wa?»

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.