Luku 11:4 - Dɔnɔn kə̂ Siki: Tar kə̂ aw arə təbbə

⁴ Ɔru tar majang ləje dɔje tə̂, mba jeje kara jaw jɔru tar dɔ dəwje tə̂ kə̂ ddaje majang kə je tɔ. Inya arə marə nɛ̂n nanje ang.› »

Maketuru le Lubba ke tar kabba

⁴ Ɔru tar *majang leje dɔje te, mba jeje kara jaw jɔru tar dɔ dewje te ke ddaje *majang ke je tɔ. Inya ddew are mare ne na meje ang.»

Luku 11:4 Iomraidhean Croise

Matiye 18:35

Ta kutu nɛ̂n dɔɛ̂ a, Jeju pa nan: «Bbo ɔruje tar dɔ ngokɔnse tə̂ kə məse tɔyn ang a, Bɔy kə̂ isi darâ a dda kə se tokə baann tɔ.»

Matiye 26:41

Arəje bbi ɔru kəmse ang, ə-dujuje Lubba bba karə osoje mə nɛ̂n-nan tə̂ ang. Ndil dəw ndiki ta dda nɛ̂n kə̂ maji njaa, a da-rɔ ee kə singa ang.»

Luku 11:5

Jeju pa arəde bbay nan: «Bbo marə dəw horose tə̂ nəənn, marə nje-buwa-kura laa to ngaâ aw bbeê laa til tə̂ kə̂ lo mɔngu aw pa arɛ̂ nan: ‹Nje-buwa-kura ləm, arəm mapa mota m-tunain,

Luku 13:4

Tɔ bbay, dəwje dɔku gire jijoo kə̂ kəy kə̂ ndəw kə̂ Silowe oso dɔde tə̂ tɔlde le, dede â n̂-ddaje maji ang dutaje kəsə dəwje kə̂ Jerujalɛm tɔyn wa?

Luku 22:46

N̂-pa narəde nan: «Mba ddi bba aw tibbije wa? Inje taar, ə-dujuje Lubba, mba karə osoje mə nɛ̂n-nan tə̂ ang.»

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Tar kə̂ Maji kə̂ Jan dda makəturu tə̂ 17:15

Maw duji karə ɔrude duninya tə̂ nəənn kə ddang ang. A ta karə ə-ngəmde bba karə Nje-mə-majang le dda marə nɛ̂n kə de ang.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

Kolosinyɛje 3:13

Maji karə ə-tɔje wurse arəje naan. Bbo dəw dda marə nɛ̂n kə̂ maji ang kə nje-marɛ̂ a, ɔruje tar dɔ naan tə̂. Ddəw kâra baa tokə Əbbə-dəwje ɔru tar dɔse tə̂ le ə-ddaje tokə baann tɔ.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Jakə 2:13

Dəw kə̂ oo kəm-to-ndoo lə nje-marɛ̂ ang, Lubba a koo kəm-to-ndoo laa ndɔ gangə sariya tə̂ ang tɔ. A dəw kə̂ oo kəm-to-ndoo lə nje-marɛ̂ a tee ta sariya tə̂.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.