Luku 11:39 - Dɔnɔn kə̂ Siki: Tar kə̂ aw arə təbbə

³⁹ A Əbbə-dəwje pa arɛ̂ nan: «See Parijinyɛje, aw tokoje giri əngo kə giri ka, a kəm-nda kə mə-majang ddusu məse.

Maketuru le Lubba ke tar kabba

³⁹ A Ebbe-dewje pa are na: « Esee Parijiyenje, aw tokoje giri ngo ke giri ka, a keje bboko ke me-maji ang ddusu mese.

Luku 11:39 Iomraidhean Croise

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Luku 16:15

Jeju pa arəde nan: «Sese aw ddaje rɔse to dəwje kə̂ gatə gatə kəm dəwje tə̂. A Lubba gərə məse, mba nɛ̂n kə̂ dəwje ooje to nɛ̂n kə̂ ngəng kəmde tə̂, to nɛ̂n kə̂ maji ang nya kəm Lubba tə̂.

Luku 7:13

Əbbə-dəwje le oo dɛnɛ̂n le a, ddɛɛ̂ ndoo ngaâ pa arɛ̂ nan: «Ə-nɔn ang!»

Luku 7:19

ngaâ ulade rɔ Əbbə-dəwje tə̂ arə n̂-dujeje nan: «Əi â ə-to dəw kə̂ a ta ddee le wase ta n-nginan marə dəw kə̂ dang wa?»

Tar kə̂ Maji kə̂ Jan dda makəturu tə̂ 12:6

N̂-pa tar baann mba to kəm-to-ndoo lə njê-ndooje â naw noo ang. N̂-pa baann mba n̂-to nje-bboko. Ne â naw ngəm bbɔl narɛ arə naw bboko marə narɛje kə̂ daw dungu məɛ tə̂ le.

Tar kə̂ Maji kə̂ Jan dda makəturu tə̂ 13:2

Jeju kə njê-njaje goe tə̂ disije ta nɛ̂n-kusa tə̂ lo-kul tə̂. A əsu ula kəjə kila Jeju ji dəwje tə̂ mə Judas tə̂ kə̂ to ngonn lə Simɔn Iskariyotə tokə kete mban.

Kulaje 5:3

A Piyɛr pa nan: «Ananiyas, mba ddi bba inya arə Satan andə məi tə̂ wa? Ɔru dəbbə narɛ ndɔɔ ləi le ə-ngəm to ləi, a ə-pa tar ngəm arə Ndil-mə-nda.

Galatəje 1:14

Karɛ̂ tə̂ənn le ngamarəm Jiipije kə̂ bbaləm kə de asə naan, mutade tɔyn ddəwe tə̂, mba munn rɔm tɔyn ta ngəm nɛ̂n-ji-bbeje lə kajeje.

2 Timɔte 3:5

Dâ ddaje nɛ̂n tokə nje-mə-kunn, a dâ mbətəje singa-mɔngu mə-kunn le. Maji karə ə-turu girii arə dəwjeenn le tɔ.

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.