Luku 11:34 - Dɔnɔn kə̂ Siki: Tar kə̂ aw arə təbbə

³⁴ Kəmi to tokə lambe kə̂ da-rɔi tə̂. Kar kə̂ kəmi to kə majɛ̂ a, da-rɔi tɔyn to dann lo-karɛ tə̂. A bbo kəmi to kə majɛ̂ ang a, da-rɔi to lo ndul tə̂.

Maketuru le Lubba ke tar kabba

³⁴ Kemi to lambe ke da-rɔi te. Bbo kemi to ke maje a da-rɔi tɔyn to dann lo-kare te. A bbo kemi to ke maje ang a da-rɔi to lo-ndul te.

Luku 11:34 Iomraidhean Croise

Marke 4:12

Baann bba, ‹dâ kaaje lo kə majɛ̂, a dâ kooje nɛ̂n ang ddəm dâ kooje tar kə mbide kə majɛ̂, a dâ gərəje kandɛ̂ ang. Baann ang a, dâ təlje rɔ Lubba tə̂ karə ɔru tar dɔde tə̂.› »

Marke 7:22

dda lo-to-majang, dda bbo nɛ̂n-kinga, məɛ̂ aw maji ang. Naw nula dəwje naan tə̂, naw dda nɛ̂n kə̂ to kə dɔgɔlɛ̂ ang, naw nunda mə kə dəw, naw nanɛn kə dəw, noo rɔɛ̂ bo ngaâ naw dda nɛ̂n-mbə.

Marke 8:18

Kəmse to, a ooje nɛ̂n nɛ̂n ang wa? Mbise to, a ooje nɛ̂n tar ang wa? Məse ole ang wa?

Luku 11:35

Yeenn a, aa kə majɛ̂ arə lo-karɛ kə̂ to rɔi tə̂ to lo ndul ang.

Kulaje 13:11

Bbasinɛn nəənn njaa Əbbə-dəwje a kundai, kəmi a tɔ. A koo lo ang ngaa mba marə kar.» Kar tə̂ənn njaa kəm Elimas le il biriri, lo ndul dɔɛ̂ tə̂, nila kə lo kâra baa naw sangə dəw karə ila kakə jia tə̂.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 6:5

See bbərəje, ooje ta əbbəsese kə̂ nangə̂ nəənn, ə-bbəəljede, ə-ddaje kula arəjede kə mə ngonn-kasə tokə Kristə â aw ddaje kula laa.

Kolosinyɛje 3:22

Bbərəje, maji karə ooje ta əbbəsese kə̂ dɔ nangə tə̂ nəənn mə nɛ̂n tə̂ tɔyn. Ə-ddaje baann mba kunda kə̂ daw dundaje kəmde dɔse tə̂ bba ta nəəl nɛ̂n kəmde tə̂ ang. Ə-ddaje kula arəjede kə mə ngonn-kasə tokə dəwje kə̂ aw bbəəlje Əbbə-dəwje.