Luku 11:20 - Dɔnɔn kə̂ Siki: Tar kə̂ aw arə təbbə

²⁰ A bbo Lubba â arəm singa maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Maketuru le Lubba ke tar kabba

²⁰ A bbo ddew singa te le Lubba a maw m-tubba ne ndilje ke maji ang a, yeenn tɔju to *Kɔn̂-bbe le Lubba ddee ndereng horose te.

Luku 11:20 Iomraidhean Croise

Matiye 12:28

A bbo Ndil lə Lubba â maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:24

Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide.

Luku 10:11

‹Bum nangə kə̂ mə bbe tə̂ ləse kə̂ uwa gɔlje le njaa kara n-tunda jarə təl kə dɔse tə̂ ta kɔru nɛ̂n naji ləse, a maji karə ə-gərəje to kɔn-mbay lə Lubba ddee ngɔsi kə se.›

Luku 10:9

Ajije njê-rɔ-toje kə̂ toje mə bbe tə̂ənn ta ə-paje arəje dəwje le tɔyn nan: ‹kɔn-mbay lə Lubba ddee ngɔsi kə se ngaa.›

Luku 11:21

«Bbo dəw kə̂ to nje-singa ungu nɛ̂n-ddɔje rɔɛ̂ tə̂ aw ngəm nɛ̂n ta-kəy laa a, nɛ̂n-kingaje laa a to mɔkɔkɔ.

Kulaje 20:25

«M-nja horose tə̂ tɔyn mila mbər tar kɔn-mbay lə Lubba. A bbasinɛn nəənn m-gərə to â təlje kooje kəm ang ngaa.

2 Tesalonisinyɛje 1:5

Nɛ̂njeenn aw tɔjuje to sariya lə Lubba to gatə gatə ngaâ toje to nɛ̂nje kə̂ a ddaje karə ə-ddeeje to dəwje kə̂ asəje ta kandə mə Bbe-kɔn tə̂ lə Lubba kə̂ aw ooje ndoo mbɛɛ̂ le.