Luku 11:19 - Dɔnɔn kə̂ Siki: Tar kə̂ aw arə təbbə

¹⁹ Â bbo Bɛljebul â arəm singa maw tubba nɛ̂n ndilje kə̂ maji ang a, nân â arə singa njê kə̂ ləse arə aw tubbaje nɛ̂n ndilje kə̂ maji ang le wa? Yeenn bba dede njaa dâ toje to njê-kujaje kəm tar nəənn karəse.

Maketuru le Lubba ke tar kabba

¹⁹ A bbo ema, maw m-tubba ndilje ke maji ang ddew te le Belejebul, a ngannse ddew te le na aw tubbaje ne ndilje ke maji ang wa? Yeenn bba dede njaa da kuja kem tar neenn karese.

Luku 11:19 Iomraidhean Croise

Matiye 10:25

Bbay nɛ̂n njaa to karə nje-nɛ̂n-ndo ddee tokə lə nje-nɛ̂n-tɔju laa wase nje-kula ddee tokə lə əbbeeje. Bbo dəwje bbarje nje-kəy nan Bɛljebul a, dâ kunda ri kə̂ maji ang uta yeenn dɔ ngann njê-kəyje tə̂.»

Matiye 4:24

Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide.

Luku 19:22

Əbbeeje le pa arɛ̂ nan: ‹Nje-kula kə̂ maji ang, tar kə̂ tai tə̂ njaa mâ gangə nɛ̂n sariya dɔi tə̂. Ə-gərə to m-to dəw kə̂ kətərə nya. Nɛ̂n kə̂ mila ang kara munn ddəm nɛ̂n kə̂ m-dubbu ang kara muja kandɛ̂ ddəm.

Luku 9:49

A Jan pa nan: «Nje-nɛ̂n-tɔju, joo marə dəw kə̂ unn rii aw tubba nɛ̂n ndilje kə̂ maji ang. N-sangə ddəw ta kɔkɛ̂ ddəwe, mba n̂-nja kə je goi tə̂ ang.»

Kulaje 19:13

Marə Jiipije kə̂ aw tubbaje ndilje kə̂ maji ang rɔ dəwje tə̂ kə lo lo, aw unnje ri Əbbə-dəwje Jeju bba aw tubbaje nɛ̂n ndilje le tɔ. N̂-paje nan: «Kə ri Jeju kə̂ Pɔl aw ila mbər tar laa, ə-teeje kə ddang!»

Rɔmɛnje 3:19

A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.