Luku 11:13 - Dɔnɔn kə̂ Siki: Tar kə̂ aw arə təbbə

¹³ Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Maketuru le Lubba ke tar kabba

¹³ Bbo esese ke mese maji ang e-gereje ta kare neje ke maji ngannse, a Bɔy ke darâ a kare Ndil-me-nda dewje ke dujeje ang wa?»

Luku 11:13 Iomraidhean Croise

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Matiye 5:45

Yeenn bba â toje to ngann lə Bɔsese kə̂ isi darâ. Mba narə kar laa aw ɔsu dɔ dəwje tə̂ kə̂ majije ang ddəm dɔ dəwje tə̂ kə̂ majije ddəm. Naw narə ndi aw ərə dɔ dəwje tə̂ kə̂ toje gatə gatə ddəm dɔ dəwje tə̂ kə̂ toje gatə gatə ang ddəm.

Matiye 6:14

«Mba bbo ɔruje tar dɔ dəwje tə̂ kə̂ ddaje nɛ̂n kə̂ maji ang kə se a, Bɔsese kə̂ isi darâ a kɔru tar dɔse tə̂ tɔ.

Matiye 6:30

Bbo Lubba ula kubbu kə̂ kura kakəje kə̂ muû kə̂ toje bbokənɛn nəənn ngaâ puru a kɔnde bara a, sese, nâ dda kə se karə uta yeenn ang wa? See njê kə̂ mə-kunn ləse ngaji baa!

Matiye 6:32

Dəwje kə̂ gərəje Lubba ang â aw sangəje nɛ̂njeenn kə kar tɔyn. Mba Bɔsese kə̂ darâ gərə to ə-ndikije ta kinga nɛ̂njeenn tɔyn.

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Luku 11:12

Wase bbo n̂-duje kabbə kunja a, nâ karɛ̂ nyi wa?

Luku 11:2

N̂-pa narəde nan: «Bbo aw dujuje Lubba a, ə-paje nan: ‹Bɔy! Maji karə dəwje bbəəlje rii. Arə kɔn-mbay ləi ddee!

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Rɔmɛnje 5:17

Tɔkɔrɔ, yo aw ubba singa dɔ dəwje tə̂ mba dəw kâra kə majang lə dəw kâra. A ddəw tə̂ lə dəw kâra kə̂ to Jeju-Kristə, dəwje ingaje nɛ̂n uta dɔɛ̂. Bbo baann a, ddi bba a kɔku ddəw karə dede tɔyn kə̂ Lubba dda kə de mə-maji nya ddəm dda arə n̂-ddeeje gatə gatə kəmɛ̂ tə̂ ddəm, disije kə təbbə ngaâ dɔnje mbay ddəw tə̂ lə Kristə wa?

Rɔmɛnje 7:18

Mba m-gərə to marə nɛ̂n kə̂ maji goto rɔm tə̂, rɔm əman tə̂ kə̂ mubba singa ang nəənn. Tɔkɔrɔ, bbo dda nɛ̂n kə̂ maji to məm tə̂ njaa. A mubba singa kə̂ ta dda nɛ̂n nɛ̂n le ang.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.