Luku 10:42 - Dɔnɔn kə̂ Siki: Tar kə̂ aw arə təbbə

⁴² A nɛ̂n kə̂ uta nɛ̂nje tɔyn kâra baa. Mari â mbərə nɛ̂n kə̂ maji nya le. Dəw a kɔru nɛ̂ɛnn le jia tə̂ ang.»

Maketuru le Lubba ke tar kabba

⁴² A ne ke uta neje tɔyn to kara baa. Mari a mbere ye ke maji. Dew a kase kɔru neenn le jia te ang ngaa.»

Luku 10:42 Iomraidhean Croise

Marke 8:36

Bbo dəw inga nɛ̂n tɔyn kə̂ duninya tə̂ nəənn, a bbo təbbə laa nayn kə kɔrɔ̂ a, ddi kə̂ maji a nâ kinga goe tə̂ wa?

Luku 10:39

Ngokɔn Martə le kə̂ dɛnɛ̂n to, ria nan Mari. Ngokɔɛ̂n le ddee isi nɔn gɔl Əbbə-dəwje tə̂ aw oo tar laa.

Luku 11:1

Marə ndɔ Jeju aw duju Lubba marə lo tə̂. N̂-duju Lubba tɔyn n̂-tunga a, marə nje-nja goe tə̂ pa arɛ̂ nan: «Əbbə-dəwje, ə-tɔjuje gusu duju Lubba tokə Jan tɔju njê-njaje goe tə̂.»

Luku 12:20

A Lubba pa arɛ̂ nan: Mbə! Til tə̂ nəənn njaa mâ kɔru kəwn ləi, a nɛ̂nje kə̂ ə-gɔl le a to lə nân ngaa wa?

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 16:2

N̂-bbar nje-ngəm nɛ̂nje le ngaâ n̂-pa narɛ̂ nan: ‹Tar ddi â maw moo dɔi tə̂ nəənn wa? Ə-tura kɔr nɛ̂nje kə̂ aw ngəm le arə moo, mba â kasə ngəm nɛ̂n ləm ang ngaa.›

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 8:18

Aaje rɔse gusu tə̂ kə̂ aw ooje nɛ̂n tar, mba dəw kə̂ nɛ̂n laa to a, dâ karɛ̂ marɛ̂ dɔɛ tə̂. A dəw kə̂ nɛ̂n laa goto, nɛ̂n kə̂ nəjə to nɛ̂n laa njaa kara dâ taa jia tə̂ kə ddang.»

Tar kə̂ Maji kə̂ Jan dda makəturu tə̂ 11:1

Marə dingaw kə̂ ria nan Lajar, rɔɛ̂ toe. Nee Betani, bbe tə̂ kə̂ Mari de kə ngokɔɛ̂n Martə disije tə̂.

Tar kə̂ Maji kə̂ Jan dda makəturu tə̂ 11:19

Mba yeenn bba, Jiipije nya ddeeje rɔ Martə de kə Mari tə̂, ta wul məde go yo tə̂ lə ngokɔnde le.

Tar kə̂ Maji kə̂ Jan dda makəturu tə̂ 12:3

Mari unn yambo kə̂ gatɛ̂ ngəng nya, kə̂ n̂-dda kə nɛ̂n kə̂ ria nan nar. Yambo le uwa kar ku. Nungu gɔl Jeju tə̂ ngaâ n̂-bɔru kə biin-dɔɛ̂. Bayn yambo le taa mə kəy le tɔyn.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

1 Kɔrɛntinyɛje 13:3

Bbo m-kayn nɛ̂n-kingaje ləm dəwje kə̂ bbo aw ddade wase munn rɔm marə karə n̂-ro, a bbo ndiki goto məm tə̂ a, mâ kinga nɛ̂n goe tə̂ ang.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.