Luku 10:20 - Dɔnɔn kə̂ Siki: Tar kə̂ aw arə təbbə

²⁰ Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Maketuru le Lubba ke tar kabba

²⁰ Yeenn a, e-ddaje rɔ-nel mba ndilje ke maji ang ke ooje taseenn ang. A maji kare e-ddaje rɔ-nel mba rise ke Lubba dda me Maketurute darâ.»

Luku 10:20 Iomraidhean Croise

Matiye 10:1

Jeju bbar njê-njaje goe tə̂ dɔku gire joo ngaâ narəde singa tubba nɛ̂n ndilje kə̂ maji ang, karə daji nɛ̂n njê-rɔ-toje tɔyn, karə daji nɛ̂n dəwje kə̂ dəbbə rɔde oy darə rɔde ddee maji.

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Matiye 27:5

Judas sanrɛ narɛ le mə kəy-polo Lubba tə̂ ngaâ aw ila kula.

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.