Luku 1:35 - Dɔnɔn kə̂ Siki: Tar kə̂ aw arə təbbə

³⁵ Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Maketuru le Lubba ke tar kabba

³⁵ Anji le tel ke tar are na: « Ndil-me-nda a ddee dɔi te ngaa ndil singa-mɔngu le *Ne ke ddutu dara te a debbe dɔi te. Gele ke neenn bba Ngonn ke maji tɔyn ke a kuje le, da bbare na Ngonn le Lubba.

Luku 1:35 Iomraidhean Croise

Matiye 1:18

Tar kuju Jeju-Kristə tokə be: Jojɛpə aw aw mɔrɔ lə Mari kɔn Jejuje. N̂-nayn n̂-taa naan ang bbay a, Mari le uwa səm ddəw tə̂ lə Ndil-mə-nda.

Matiye 1:20

Jojɛpə aw əjə tar nəənn le məɛ̂ tə̂ bbay a, marə anjə lə Əbbə-dəwje tee ingɛ̂ mə nin tə̂ ngaâ pa arɛ̂ nan: «Jojɛpə dəw kə̂ gəl Dabbiti tə̂, ə-bbəəl ang bbo ə-taa Mari to dɛnɛ̂n ləi, mba səm lə ngonn kə̂ to məɛ̂ tə̂ le ddee ddəw tə̂ lə Ndil-mə-nda.

Matiye 14:33

Njê-njaje go Jeju tə̂ kə̂ isije mə tɔkə to tə̂ le ɔsuje məkəjə-gɔlde nangə̂ nɔɛ̂n tə̂ ngaâ paje nan: «Ə-to Ngonn lə Lubba njaa.»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Marke 1:1

Kunn-kutu Tar kə̂ Maji kə̂ dɔ Jeju-Kristə Ngonn lə Lubba tə̂ â nəənn.

Marke 1:24

«Jeju kə̂ Najarɛtə, ddi â ə-ndiki ta dda kə je wa? Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Luku 1:27

Nulɛ̂ rɔ ngonn kə̂ dɛnɛ̂n tə̂ kə̂ gərə ngaw ang bbay kə̂ to nje-mɔrɔ lə Jojɛpə, ngonn kə̂ gəl Dabbiti tə̂. Ri ngonn kə̂ dɛnɛ̂n kə̂ gərə ngaw ang bbay le nan Mari.

Luku 1:34

Mari pa arə anjə le nan: «Nɛ̂ɛnn le a to tokə baânn wa? Mba m-gərə ngaw ang bbay.»

Luku 1:36

Oo, nuju ləi Elijabɛtə kə̂ bbuka nya njaa kara uwa səm arə ne kə̂ daw bbarɛ̂ nan kaw-katə le, nuwa səm kə̂ nɛyn misan ngaa.

Tar kə̂ Maji kə̂ Jan dda makəturu tə̂ 1:34

Əman njaa moo nɛ̂njeenn le ngaâ m-pa tar-naji nəənn m-pa nan: Dəw nəənn to Ngonn lə Lubba.»

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.