Luku 1:32 - Dɔnɔn kə̂ Siki: Tar kə̂ aw arə təbbə

³² Ngonn le a ddee bo ngaâ dâ bbarɛ̂ nan Ngonn lə Nje-kisi ddutu dara tə̂, Əbbə-dəwje Lubba a karɛ̂ ngende-mbay lə kɛɛ̂je Dabbiti.

Maketuru le Lubba ke tar kabba

³² Ngonn le a ddee bo ngaa da bbare na Ngonn le *Ne ke ddutu dara te ngaa *Ebbe-dewje Lubba a kare ngende-mbay le bɔeje Dabbiti.

Luku 1:32 Iomraidhean Croise

Matiye 1:1

Ri gəl-dəwje kə̂ ujuje Jeju-Kristə tokə be: Jeju-Kristə to dəw kə̂ gəl Dabbiti tə̂ ngaâ Dabbiti to dəw kə̂ gəl Abaraham tə̂.

Matiye 12:42

Ndɔ gangə sariya a, mbay-dɛnɛ̂n kə̂ bəər kə̂ oy le, a ndol kə dəwje kə̂ bbasinɛn nəənn, ta nâ kunda tar dɔde tə̂ ndɔ gangə sariya tə̂. Mba nin kɔyn nangə tə̂ n̂-ddee mba koo tar kəm-karɛ lə Salomɔn. A dəw kə̂ uta Salomɔn ee nəənn.»

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Matiye 3:11

Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

Marke 14:61

A Jeju ar ddekeke, nila tar tə̂ kâra ang. Tɔkə nje-polo Lubba le təl duje bbay nan: «Ə-to Kristə, Ngonn lə Lubba kə̂ jaw pole le wa?»

Marke 5:7

Nuru əkii kə taar nan: «Jeju Ngonn lə Lubba kə̂ isi ddutu dara tə̂ nu. Ddi â osoi tə̂ wa? M-wali nya kə ri Lubba, ula kəmʼm ndoo tə̂ ang.»

Luku 1:15

Mba nâ ddee bo nɔn Əbbə-dəwje tə̂, koto kə̂ to bɛn a kɔru tɛɛ̂ ang ddəm koto kə̂ in a kɔru tɛɛ̂ ang ddəm n̂-nayn mə kɔɛ̂nje tə̂ njaa bbay a, Ndil-mə-nda a dduse.

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 1:76

A əi, ngonnəm le, dâ bbari nan nje-kila mbər tar lə Nje-kisi ddutu dara tə̂. Mba â nja nɔn Əbbə-dəwje tə̂ ta dda ddəwje laa,

Luku 3:16

Nilade tə̂ tɔyn nan: «Əman, m-ddase batɛm maann. A marə dəw kə̂ utam, kə̂ mâ kasə tutu kula nɛ̂n-gɔl laa ang aw ddee. Ne â nâ ddase batɛm Ndil-mə-nda kə batɛm puru.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Tar kə̂ Maji kə̂ Jan dda makəturu tə̂ 12:34

Dəwje kə̂ banya le ilɛ̂je tə̂ nan: «Makəturu-Ndu ləje pa nan Mesi a nayn kə ndɔ kə ndɔ. A əi, ə-pa nan maji karə dunn Ngonn lə dəw n̂-tɔɛ̂ taar tokə baânn wa? Ngonn lə dəw le to nân wa?»

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Kulaje 16:17

Nunn goje, jeje kə Pɔl ngaâ naw nuru əkii n̂-pa nan: «Dəwje nəənn toje to njê-kulaje lə Lubba kə̂ nje-kisi ddutu dara tə̂. Daw tɔjujese ddəw kinga kaji.»

Kulaje 2:30

N̂-to nje-kila mbər tar lə Lubba ngaâ n̂-gərə to Lubba unda yo bba unn nɛ̂n ndu karə dəw kə̂ gəle tə̂ isi ngende-mbay tə̂.

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 7:48

«A Nje-kisi ddutu dara tə̂ isi mə kəy tə̂ kə̂ ji dəw dda ang. Ddəw kâra baa tokə nje-kila mbər tar lə Lubba pa nan:

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.