Kulaje 9:4 - Dɔnɔn kə̂ Siki: Tar kə̂ aw arə təbbə

⁴ N̂-tee noso nangə̂ ngaâ noo marə ndu dəw pa saa tar nan: «Sɔl, Sɔl, mba ddi bba aw dda səm singa wa?»

Maketuru le Lubba ke tar kabba

⁴ N̂-tee noso nangê ngaa noo mare ndu dew pa saa tar na: «Sɔl, Sɔl mba ddi bba aw e-ddasem singa wa?»

Kulaje 9:4 Iomraidhean Croise

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Luku 10:41

Əbbə-dəwje ilɛ̂ tə̂ nan: «Martə, Martə, aw jɔku rɔi ngaâ aw isa mba nɛ̂nje nya.

Tar kə̂ Maji kə̂ Jan dda makəturu tə̂ 18:6

Kar kə̂ Jeju pa arəde nan: «Əman â nəənn» le a, n̂-təlje kə guku ngaâ n̂-gaynje nangə̂.

Tar kə̂ Maji kə̂ Jan dda makəturu tə̂ 20:16

Jeju bbarɛ̂ nan: «Mari.» Mari le turu rɔɛ̂ kə rɔ Jeju tə̂ le ngaâ pa arɛ̂ kə tar ebərə nan: «Rabuni.» Gəle nan: «Nje-nɛ̂n-tɔju.»

Tar kə̂ Maji kə̂ Jan dda makəturu tə̂ 21:15

Go nɛ̂n-kusa tə̂ le a, Jeju duju Piyɛr nan: «Simɔn ngonn lə Jan, ə-ndikim uta dəwje nəənn tɔyn wa?» Piyɛr ilɛ̂ tə̂ nan: «Ye njaa, Əbbə-dəwje, ə-gərə to m-ndikii.» Jeju pa arɛ̂ nan: «Ə-ngəm ngann batəje ləm.»

Kulaje 5:10

Karɛ̂ tə̂ənn njaa, n̂-tee noso kɔ gɔl Piyɛr tə̂ noy. Ngann basanje le andəje kəy a, dooje niinn dɛnɛ̂n le ngaâ dunnje daw dubbuje mbɔr ngawɛ̂je tə̂.

Kulaje 9:5

Sɔl le ilɛ̂ tə̂ nan: «Əbbə-dəwje, əi nân wa?» Ndu dəw le ilɛ̂ tə̂ nan: «Əman Jeju, əman â aw dda səm singa nəənn.

Rɔmɛnje 11:22

Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

1 Kɔrɛntinyɛje 12:12

Junnje nɛ̂n-kɔju-marɛ̂. Da-rɔ dəw kâra baa, a barkəm-rɔ dəw â banya. Barkəm-rɔ kə̂ dang dang le mbɔnje naan ngaâ toje kâra baa. Nɛ̂ɛnn to ddəw kâra baa kə Kristə.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

Epɛjinyɛje 5:30

Mba jeje n-toje to dəbbə rɔ Kristə le.