Kulaje 9:2 - Dɔnɔn kə̂ Siki: Tar kə̂ aw arə təbbə

² naw duju makəturuje ta kaw nɛ̂n karə njê kə̂ kəy mbɔn-naanje tə̂ kə̂ Damas. Makəturu le a karɛ̂ ddəw karə bbo ninga marə dɛnɛ̂nje wase dingawje kə̂ aw unnje «ddəw lə Əbbə-dəwje» a, n̂-tɔde n̂-ddee kə de Jerujalɛm.

Maketuru le Lubba ke tar kabba

² n̂-duju maketuruje ta kaw ne kare nje ke key-mbɔ-naaje te ke Damase. Maketuru le a kunn ddew kare ta, toke ninga mare dewje ke toje to deneje wase dingawje ke aw unnje ddew le Ebbe-dewje, n̂-tɔde n̂-ddee ke de Jurusalam.

Kulaje 9:2 Iomraidhean Croise

Matiye 10:17

Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Kulaje 18:25

N̂-tɔjɛ̂ «ddəw lə Əbbə-dəwje» tokə kete arə kəjə laa sangə kə majɛ̂ ngaâ n̂-tɔju nɛ̂n dɔ Jeju tə̂ kə̂ dɔgɔlɛ̂. A batɛm lə Jan kâra baa a n̂-gərə.

Kulaje 19:23

Dɔ ndɔɛ̂ tə̂ənn njaa tɔkə tar oso Epɛjə ɔju dɔ tar «ddəw lə Əbbə-dəwje» le.

Kulaje 19:9

A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Kulaje 24:22

Peliksə gərə tar dɔ ddəw tə̂ kə̂ siki kə̂ Əbbə-dəwje tɔju le kə majɛ̂ ngaâ nɔru ndɔ sariya le kə kete. N̂-pa nan: «Ndɔ kə̂ Lisiyas kə̂ to mbay lə mbambaje ddee bba mâ gangə sariya le.»

Kulaje 26:10

M-dda nɛ̂ɛnn le Jerujalɛm. Mbayje lə njê-poloje Lubba arəmje ddəw arə əman kə da-rɔm njaa mungu njê-mə-kunnje nya kəy-kula tə̂ ngaâ bbo daw ta tɔlde a, m-ndiki tə̂ tɔ.

Kulaje 26:12

«Marə ndɔ mbayje lə njê-poloje Lubba arəmje ddəw karə maw Damas kə ride maw muwa njê-mə-kunnje.

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Kulaje 7:19

Tɔkə mbay le ərə njê kə̂ ləje ngaâ dda kajejedede maji ang. Nuwade kə singa narə n̂-tusuje ngann əngutayje ləde dinyade darə oyje.

Kulaje 9:14

Lo tə̂ nəənn njaa kara, mbayje lə njê-poloje Lubba arɛ̂je ddəw karə n̂-ddee nuwa dəwje tɔyn kə̂ aw bbarje rii.»

Kulaje 9:21

Dəwje tɔyn kə̂ ooje tar lə Sɔl le dɔde ayn ngaâ paje nan: «Dəw nəənn â aw ula kəm dəwje kə̂ aw bbarje ri Jeju ndoo tə̂ mə bbe tə̂ kə̂ Jerujalɛm le ang wa? N̂-ddee nəənn ta kuwa njê-mə-kunnje tɔde kaw kə de karə mbayje lə njê-poloje Lubba ang wa?»

2 Kɔrɛntinyɛje 11:32

Bbe tə̂ kə̂ Damas, ngonn mbay kə dda kula kə ri tɔkə mbay Aretas unda dəwje ta ddəwje tə̂ kə̂ daw dandəje nɛ̂n mə bbe le karə duwam.

Galatəje 1:17

njê-kaw-kulaje kə̂ toje dɔngɔr arəm, maw rɔde tə̂ Jerujalɛm ang ddəm a mɔtu maw nangə tə̂ kə̂ Arabi, goe tə̂ a, m-təl m-ddee Damas.