Kulaje 9:16 - Dɔnɔn kə̂ Siki: Tar kə̂ aw arə təbbə

¹⁶ Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

Maketuru le Lubba ke tar kabba

¹⁶ Ema njaa ma tɔje ne-kem-to-dooje tɔyn ke a ddae wɔju dɔ rim.»

Kulaje 9:16 Iomraidhean Croise

Matiye 24:9

«Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam.

Matiye 5:11

Maji arəse, sese kə̂ dəwje aw tajise, daw dulaje kəmse ndoo tə̂, daw paje tarje kə̂ maji ang dang dang, kə̂ to tar ngəmje baa dɔse tə̂ mbam.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 21:11

N̂-ddee ningaje ngaâ n̂-taa əndaar-kuwa-bbər lə Pɔl, n̂-tɔ nɛ̂n gɔlɛ̂ kə jia ne njaa ngaâ n̂-pa nan: «Ndil-mə-nda pa nan Jiipije a tɔje nje-əndaar kuwa-bbər nəənn Jerujalɛm tokə be ngaâ dâ kulɛ̂je ji dəwje tə̂ kə̂ gərəje Lubba ang.»

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Kulaje 21:4

N-nayn lo tə̂ənn le ndɔ siri mba jinga njê-mə-kunnje lo tə̂ənn. Ndil-mə-nda ula njê-mə-kunnje le arə n̂-paje darə Pɔl karə naw Jerujalɛm ang.

Kulaje 9:14

Lo tə̂ nəənn njaa kara, mbayje lə njê-poloje Lubba arɛ̂je ddəw karə n̂-ddee nuwa dəwje tɔyn kə̂ aw bbarje rii.»

Kulaje 9:6

A in taar andə mə bbe tə̂ le, a dâ tɔji nɛ̂n kə̂ to ta karə ə-dda.»

2 Kɔrɛntinyɛje 6:4

A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.

1 Tesalonisinyɛje 3:3

Baann bba karə mə nɛ̂n-singaje tə̂ kə̂ aw ingase nəənn, dəw kâra təl kə guku ang. Mba ə-gərəje kə majɛ̂ to, nɛ̂n-singaje kə̂ baann le a kingajeje njaa.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.

1 Piyɛr 4:14

Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.