Kulaje 8:31 - Dɔnɔn kə̂ Siki: Tar kə̂ aw arə təbbə

³¹ Dingaw le ila tə̂ nan: «Bbo marə dəw umanʼm ang a, mâ gərə tar le tokə baânn wa?» Yeenn bba, n̂-bbar Pilipi le karə aal sarɛtə le isi mbɔrɛ̂ tə̂.

Maketuru le Lubba ke tar kabba

³¹ Dingaw le ila te na: «Toke dew umam ang a, ma gere tar le toke baann wa?» Yeenn a, n̂-bbar Pilipi le kare aal sarete le isi mbɔre te.

Kulaje 8:31 Iomraidhean Croise

Marke 10:15

Tɔkɔrɔ njaa m-pa marəse, dəw kə̂ taa Bbe-kɔn lə Lubba tokə lə ngonn ang, a kandə tə̂ ndɔ kâra ang.»

Kulaje 8:30

Pilipi ayn ngɔru aw inga sarɛtə le ngaâ oo ndu dingaw kə̂ Etiyopi le kə̂ a aw tura makəturu lə Ejayi kə̂ to nje-kila mbər tar le. Pilipi duju tar enuku le nan: «Ə-gərə tar kə̂ aw tura makəturu tə̂ nəənn njaa wa?»

Kulaje 8:32

Tar kə̂ makəturu tə̂ kə̂ naw tura le tokə be: «N̂-to ddəw kâra baa kə batə kə̂ daw saa kə lo tɔl daje tə̂, n̂-to tokə ngonn batə kə̂ daw duja biiɛ̂n, a nɔn ang. Nɔru tɛɛ̂ n̂-pa nɛ̂n tar ang.

Rɔmɛnje 10:14

Bbo dəwje ooje məde tə̂ kə Əbbə-dəwje ang a, dâ bbarɛ̂je tokə baânn wa? Bbo dəw ila mbər tar laa arə dooje ang a, dâ kunnje məde tokə baânn wa? Ngaâ bbo nje-pa tar laa karəde goto a, dâ kooje tar laa tokə baânn wa?

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 8:2

Dəw kə̂ əjə to n̂-gərə nɛ̂n, n̂-nayn n̂-gərə nɛ̂n tɔyn ang bbay.

Jakə 1:10

A ne kə̂ n̂-to nje-nɛ̂n-kinga n̂-dda rɔ-nəəl tɔ, mba Lubba a dda karə dəwje ooeje to nɛ̂n ang, mba nje-nɛ̂n-kinga a nday tokə lə putu kakə kə̂ gayn.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.