Kulaje 8:14 - Dɔnɔn kə̂ Siki: Tar kə̂ aw arə təbbə

¹⁴ Njê-kaw-kulaje kə̂ Jerujalɛm tə̂ ooje nan dəwje kə̂ Samari taaje tar lə Lubba. Yeenn bba dulaje Piyɛr kə Jan darəde.

Maketuru le Lubba ke tar kabba

¹⁴ Toke nje-kayn-kulaje ke naynje Jurusalam ooje na nje-bbeje ke Samari taaje tar le Lubba le a, dulaje Piyar de ke Jan nange te ke Samari le.

Kulaje 8:14 Iomraidhean Croise

Matiye 13:23

A marə dəwje toje tokə nangə kə̂ maji kə̂ n̂-dubbu nɛ̂n tə̂. Dooje tar le a, n̂-gərəje kandɛ̂ kə majɛ̂ ngaâ dandəje kandə. Marɛ̂je andəje dɔdɔku, marɛ̂je andəje dɔmisan, a marɛ̂je andəje dɔmota.»

Luku 22:8

Jeju ula Piyɛr kə Jan. N̂-pa narəde nan: «Awje aw ddaje muru Pakə arəje jaw jɔnje.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Kulaje 11:1

Njê-kaw-kulaje kə njê-mə-kunnje kə̂ eeje nangə tə̂ kə̂ Jude ooje nan dəwje kə̂ toje to Jiipije ang kara taaje tar lə Lubba tɔ.

Kulaje 15:4

N̂-teeje Jerujalɛm a, Egilisi kə njê-kaw-kulaje kə dəwje kə̂ dɔ Egilisi tə̂ taajede kə rɔ-nəəl. Dɔruje gəl nɛ̂nje tɔyn kə̂ Lubba dda ddəw tə̂ ləde darə dəwje kə̂ Jerujalɛm.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

Galatəje 2:9

Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

2 Tesalonisinyɛje 2:10

Nâ dda nɛ̂nje kə̂ gatə gatə ang ta kərə nɛ̂n dəwje kə̂ aw awje ta nayn kə kɔrɔ̂. Mba n̂-mbətəje ta taa ddəm ta ndiki tar kə̂ tɔkɔrɔ kə̂ a kajide ddəm