Kulaje 8:1 - Dɔnɔn kə̂ Siki: Tar kə̂ aw arə təbbə

¹ Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

Maketuru le Lubba ke tar kabba

¹ Sɔl to kara le dewje ke unguje tar gel nje-tɔlje Etiyenn te. Dɔ ndɔe teenn njaa, dewje ulaje kem Egilisi ke Jurusalam ndoo. Nje-me-kunnje sarenje naa dɔ nange te ke Jude, ke Samari a nje-kayn-kulaje a naynje.

Kulaje 8:1 Iomraidhean Croise

Matiye 22:6

A marɛ̂je uwaje ngann njê-kulaje le ddajede maji ang ngaâ tɔljede.

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Matiye 5:13

«Sese â ə-toje to katə kə̂ dɔ nangə̂ tə̂ nəənn. A bbo dɔɔn lə katə le goto a, ddi bba dəw a dda karə katə le təl dɔɔn bbay wa? Marə nɛ̂n dang kə̂ ta dda nɛ̂n goto. To nɛ̂n kungu kɔrɔ̂ karə dəwje mbɔynje kə gɔlde.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Tar kə̂ Maji kə̂ Jan dda makəturu tə̂ 16:2

Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 13:36

«Kar tə̂ kə̂ Dabbiti isi nɛ̂n kəm baa le, n̂-dda nɛ̂n tɔyn kə̂ Lubba ndiki ta karə n̂-dda n̂-tunga. Goe tə̂ a, noy, n̂-dubbe mbɔr kɛɛ̂jedede tə̂ ngaâ da-rɔɛ̂ tuju.

Kulaje 2:47

N̂-pitije Lubba ngaâ dəwje tɔyn oojede maji kəmde tə̂. Kə ndɔ kâra kâra tɔyn, Əbbə-dəwje aw ungu dəwje kə̂ naw najide dɔ marɛ̂ tə̂.

Kulaje 22:20

Kar tə̂ kə̂ daw tɔl nɛ̂n Etiyɛnn kə̂ to nje-tar-naji ləi le mee loe tə̂ tɔ, m-ndiki tə̂ kə de ngaâ m-ngəm kubbuje lə njê kə̂ tɔlɛ̂je le.

Kulaje 26:10

M-dda nɛ̂ɛnn le Jerujalɛm. Mbayje lə njê-poloje Lubba arəmje ddəw arə əman kə da-rɔm njaa mungu njê-mə-kunnje nya kəy-kula tə̂ ngaâ bbo daw ta tɔlde a, m-ndiki tə̂ tɔ.

Kulaje 5:18

duwaje njê-kaw-kulaje le dungujede kəy-kula tə̂ kə̂ to mba dəwje tɔyn.

Kulaje 5:20

«Awje kəy-polo Lubba tə̂ ta ə-paje tar təbbə nəənn tɔyn arəje dəwje.»

Kulaje 5:33

Njê kə̂ lo gangə sariya tə̂ lə Jiipije le ooje tar kə̂ njê-kaw-kulaje paje le a, wungu ɔnde ngaâ n̂-ndikije karə dəwje tɔljede kə ddang.

Kulaje 5:40

n̂-bbarje njê-kaw-kulaje le dundajede kə ndəy ngaâ dunnje ndu darəde karə n̂-paje tar kə ri Jeju ang, a dinyade.

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Kulaje 7:54

Njê kə̂ eeje lo gangə sariya tə̂ le ooje tarjeenn le a, wungu ɔnde dɔ Etiyɛnn tə̂ ngaâ n̂-ngəərje ngangəde.

Kulaje 7:58

N̂-ndɔrɛ̂je n̂-teeje saa mə bbe tə̂ kə ddang ngaâ dunnje kutu tilɛ̂ kə ər ta tɔlɛ̂. Njê-tar-najije kə̂ undaje tar dɔɛ̂ tə̂ le unguje kubbuje ləde dɔ naan tə̂ nɔn marə basan tə̂ kə̂ ria nan Sɔl karə n̂-ngəm.

Kulaje 8:14

Njê-kaw-kulaje kə̂ Jerujalɛm tə̂ ooje nan dəwje kə̂ Samari taaje tar lə Lubba. Yeenn bba dulaje Piyɛr kə Jan darəde.

Kulaje 8:2

Dəwje kə̂ aw bbəəlje Lubba dubbuje Etiyɛnn ngaâ n̂-nɔɛ̂nje nya.

Kulaje 8:4

Dəwje kə̂ sanrɛje naan le aw ilaje mbər tar lə Lubba to Tar kə̂ Maji loje tə̂ kə̂ daw ndayje tə̂.

Kulaje 8:5

Yeenn bba, Pilipi tee aw marə bbe tə̂ kə̂ Samari ngaâ ila mbər tar lə Kristə.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 1:32

N̂-gərəje sariya-yo kə̂ Lubba aw gangə dɔ dəwje tə̂ kə̂ baann kə majɛ̂, a daw ddaje nɛ̂njeenn le ddəm n̂-ndikije tə̂ kə dəwje kə̂ aw ddaje nɛ̂njeenn le ddəm.

Pilipinyɛje 1:12

Ngakɔnʼmje, m-ndiki karə ə-gərəje to nɛ̂n kə̂ ingam le təl dda arə Tar kə̂ Maji aw kə kete kete.

Ebərəje 11:27

Ddəw mə-kunn tə̂ â Mɔyijə ɔtu Ejipitə tə̂ kə ddang a bbəəl wungu le tɔkə mbay ang. Nuwa narə ngəng tokə nɛ̂n kə̂ noo Lubba kə̂ dəw ooe ang le.