Kulaje 6:9 - Dɔnɔn kə̂ Siki: Tar kə̂ aw arə təbbə

⁹ Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Maketuru le Lubba ke tar kabba

⁹ Mare Jiipije ke inje Sirene, ke Alekejandiri ke aw mbɔnje naa key-mbɔn̂-naa te le Jiipije ke daw n̂-bbarde na «Nje ke teeje kɔ bbere te», ke nje ke inje nange te ke Silisi, ke nje ke Aji aw maynje tar ke Etiyenn.

Kulaje 6:9 Iomraidhean Croise

Matiye 10:17

Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Matiye 27:32

Mbambaje le inje mə bbe tə̂ le aw teeje saa kə ddaka a, dingaje marə dingaw kə̂ bbe tə̂ kə̂ Sirɛnn, ria nan Simɔn. Duwɛ̂je darə noto kakə-dəsə lə Jeju le.

Marke 13:9

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

Kulaje 15:41

Pɔl nday nangə tə̂ kə̂ Siri kə Silisi, n̂-ndəjə dəwje kə̂ Egilisije tə̂ le karə duwaje mə-kunn ləde darə ngəng.

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 18:24

Marə Jiipi kə̂ ria nan Apolos kə̂ duje Alɛkəjandiri ddee Epɛjə le. N̂-to dəw kə̂ gərə pa tar ddəm gərə makəturu lə Lubba nya ddəm.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 19:26

A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Kulaje 21:27

Ndɔ siri kə̂ to ənga toko nɛ̂n-yərəw le nayn ngɔsi ta tunga a, Jiipije kə̂ Aji ooje Pɔl kəy-polo Lubba tə̂. Dɔsuje kutu dəwje kə̂ banya darə wungu ɔnde ngaâ duwaje Pɔl.

Kulaje 21:39

Pɔl ila tə̂ nan: «M-to Jiipi kə̂ dujum Tarsə, nangə tə̂ kə̂ Silisi, m-to dəw kə̂ bbe tə̂ kə̂ ria bbar nya. M-wali nya karə arəm ddəw m-pa tar marə dəwje nəənn.»

Kulaje 22:19

Mila tə̂ m-pa nan: ‹Əbbəmje, n̂-gərəje kə majɛ̂ to maw maw kəy mbɔn-naanje tə̂, marə duwa dəwje kə̂ ooje məde tə̂ səi, daw dilade kəy-kula tə̂ ddəm n̂-tundade kə ndəy ddəm.›

Kulaje 22:3

«M-to Jiipi, dujum Tarsə nangə tə̂ kə̂ Silisi. A n̂-ngəməm Jerujalɛm nəənn. M-ndo nɛ̂n kɔ Gamaleyɛl tə̂ dɔ tar ngəm ndu tə̂ lə kajeje. Munn rɔm tɔyn marə Lubba tokə aw ddaje bbokənɛn nəənn.

Kulaje 23:34

Mbay le tura makəturu le a, duju ta gərə se Pɔl to dəw kə̂ nangə tə̂ kə̂ dda wa? N̂-pa darɛ̂ nan Pɔl to dəw kə̂ nangə tə̂ kə̂ Silisi.

Kulaje 24:18

Kar tə̂ənn le â m-toko nɛ̂n-yərəw ləm mə kəy-polo Lubba tə̂ m-tunga a, dingamje. Ndɔɛ̂ tə̂ənn le dəwje mbɔnje naan banya ang ddəm bula goto ddəm.

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Kulaje 6:10

A tar kəm-karɛ kə̂ Ndil-mə-nda arə naw pa le uta dɔde.

1 Kɔrɛntinyɛje 1:20

Nje-kəm-karɛ to dda wa? Nje-gərə-Ndu to dda wa? Nje-nɛ̂n-gərə kə̂ bbasinɛn nəənn to dda wa? Lubba dda arə kəm-karɛ kə̂ duninya tə̂ nəənn təl to nɛ̂n-mbə.

Galatəje 1:21

Goe tə̂ a, maw nangə tə̂ kə̂ Siri kə Silisi.