Kulaje 6:12 - Dɔnɔn kə̂ Siki: Tar kə̂ aw arə təbbə

¹² Baann bba dɔsuje kutu dəwje le, tɔkəje kə njê-gərəje-Ndu darə duwa Etiyɛnn kə singa daw saa lo gangə sariya tə̂ lə Jiipije.

Maketuru le Lubba ke tar kabba

¹² Baann bba dɔsuje kutu dewje, kutu tɔkuje, ke kutu nje-kɔruje gel ndu dare duwa Etiyenn ke singa ngaa daw saa lo dda tar te.

Kulaje 6:12 Iomraidhean Croise

Matiye 26:57

Njê kə̂ uwaje Jeju le awje saa rɔ Kayipi tə̂ kə̂ to tɔkə nje-polo Lubba. Njê-gərəje-Ndu kə tɔkəje lə Jiipije mbɔnje naan lo tə̂ənn.

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Luku 20:1

Marə ndɔ, Jeju aw tɔju nɛ̂n dəwje kə̂ banya mə kəy-polo Lubba tə̂ ddəm aw ila mbər Tar kə̂ Maji ddəm. Mbayje lə njê-poloje Lubba kə njê-gərəje-Ndu kə tɔkəje lə Jiipije undaje lo teeje.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 21:27

Ndɔ siri kə̂ to ənga toko nɛ̂n-yərəw le nayn ngɔsi ta tunga a, Jiipije kə̂ Aji ooje Pɔl kəy-polo Lubba tə̂. Dɔsuje kutu dəwje kə̂ banya darə wungu ɔnde ngaâ duwaje Pɔl.

Kulaje 5:18

duwaje njê-kaw-kulaje le dungujede kəy-kula tə̂ kə̂ to mba dəwje tɔyn.

Kulaje 5:27

Go ddee tə̂ kə̂ n̂-ddee kə de a, dawje kə de lo gangə sariya tə̂ lə Jiipije ngaâ tɔkə nje-polo Lubba dujude nan:

Kulaje 6:11

Yeenn ngaâ darəje dəwje narɛ mba karə paje nan: «Joo Etiyɛnn lo taji ri Mɔyijə tə̂ kə lo taji ri Lubba tə̂.»