Kulaje 6:10 - Dɔnɔn kə̂ Siki: Tar kə̂ aw arə təbbə

¹⁰ A tar kəm-karɛ kə̂ Ndil-mə-nda arə naw pa le uta dɔde.

Maketuru le Lubba ke tar kabba

¹⁰ A tar kem-kare laa ke naw n̂-pa ddew te le Ndi-me-nda le uta dɔde.

Kulaje 6:10 Iomraidhean Croise

Luku 1:17

Nâ nja nɔn Lubba tə̂ kə ndil lə Eli kə̂ to nje-kila mbər tar lə Lubba ddəm kə singa lə Eli le ddəm, mba turu mə bɔje kə rɔ ngannde tə̂ ddəm nâ dda bba karə njê-dɔ-ngəngje təlje unnje ddəw kəm-karɛ lə dəwje kə̂ gatə gatə ddəm nâ gɔl dəwje karə arje dɔ gɔlde tə̂ mba ngəbbə Əbbə-dəwje.»

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Tar kə̂ Maji kə̂ Jan dda makəturu tə̂ 7:46

Njê-ngəmje kəy-polo Lubba le ilajede tə̂ nan: «Ndɔ kâra dəw pa tar tokə dingaw nəənn ang.»

Kulaje 5:39

Bbo nɛ̂n kə̂ n̂-ndikije ta dda wase nɛ̂n kə̂ daw ddaje nəənn in ddəw tə̂ lə Lubba a, a kɔkuje ddəwe pin. Arəje Lubba oose to dəwje kə̂ aw ddaje saa ddɔ ang.» Njê-gangəje sariya le ndikije tar tə̂ laa le ngaâ

Kulaje 6:11

Yeenn ngaâ darəje dəwje narɛ mba karə paje nan: «Joo Etiyɛnn lo taji ri Mɔyijə tə̂ kə lo taji ri Lubba tə̂.»

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Kulaje 7:51

«See njê-dɔ-kətərəje, sese kə̂ Lubba bbarse, a arəje məse kətərə ngaâ ooje nɛ̂n-bbar laa ang, a aw mbətəje tar lə Ndil-mə-nda kə ndɔ tɔyn. Ə-toje ddəw kâra baa kə kasəse.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.