Kulaje 5:42 - Dɔnɔn kə̂ Siki: Tar kə̂ aw arə təbbə

⁴² Kə ndɔ tɔyn, mə kəy-polo Lubba tə̂ wase mə kəyje tə̂ kara, dinyaje ddəw tɔju nɛ̂n ang ddəm dinyaje kila mbər Tar kə̂ Maji lə Jeju kə̂ to Kristə le ang ddəm.

Maketuru le Lubba ke tar kabba

⁴² Ke ndɔ tɔyn me key-polo-Lubba te wase me keyje te kara dew rɔde tɔju tar ang ddem, dew rɔde kila mber-Tar ke maji le Jeju ke to Mesi ang ddem.

Kulaje 5:42 Iomraidhean Croise

Luku 21:37

Lo arɛ a, Jeju aw tɔju nɛ̂n mə kəy-polo Lubba tə̂ ngaâ lo ndul a, naw to dɔ ddingiri Olibəje tə̂.

Luku 22:53

Mee kə se kəy-polo Lubba tə̂ kə ndɔ tɔyn, a dəw uwam ang. A bbasinɛn kar nəənn to ləse ddəm to kar lə singaje kə̂ lo ndul tə̂ karə dɔnje mbay ləde ddəm.»

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:3

Nɔru gəl makəturu le narəde ngaâ n̂-pa nan makəturu lə Lubba pa nan Mesi a koo ndoo ngaâ noy a, nâ ndol. N̂-pa nan: «Jeju kə̂ maw pa tar laa marəse nəənn le to Mesi le.»

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 20:20

Nɛ̂n kə̂ a ddase maji tɔyn njaa m-tɔjuse. M-pa nɛ̂nje tɔyn marəse, m-tɔjuse nɛ̂n kəm dəwje tə̂ ddəm mə kəyje tə̂ ləse ddəm.

Kulaje 4:20

Ddəw kə̂ jeje nəənn ja kutu nɛ̂n taje dɔ nɛ̂n tə̂ kə̂ joo kə kəmje ddəm kə mbije ddəm goto.»

Kulaje 4:29

Bbasinɛn nəənn, Əbbəjeje, maji karə oo singa kə̂ daw dda kə je bbo arəje singa, jee bbərə-kulaje ləi, arə n-pa tar ləi kə bbəəl ang.

Kulaje 8:35

Yeenn ngaa, Pilipi unn kutu tar dɔ tar tə̂ kə̂ enuku le tura makəturu tə̂ nəənn le bba tɔjɛ̂ nɛ̂n Tar kə̂ Maji lə Jeju.

Kulaje 8:5

Yeenn bba, Pilipi tee aw marə bbe tə̂ kə̂ Samari ngaâ ila mbər tar lə Kristə.

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.