Kulaje 5:41 - Dɔnɔn kə̂ Siki: Tar kə̂ aw arə təbbə

⁴¹ Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Maketuru le Lubba ke tar kabba

⁴¹ Nje-kayn̂-kulaje le teeje lo dda tar te le Jiipije le ddaka ke rɔ-neel mba Lubba oode to dewje ke ase kare dula kemde ndoo wɔju dɔ ri Jeju.

Kulaje 5:41 Iomraidhean Croise

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Tar kə̂ Maji kə̂ Jan dda makəturu tə̂ 15:21

«Dâ ddaje nɛ̂njeenn tɔyn kə se mba rim, mba n̂-gərəje dəw kə̂ ulam ang.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Kulaje 5:21

Njê-kaw-kulaje le ooje tɛɛ̂ ngaâ lo a ta karɛ a, dawje kəy-polo Lubba tə̂ daw tɔjuje nɛ̂n. Tɔkə nje-polo Lubba kə njê kə̂ mbɔrɛ̂ tə̂ n̂-bbarje tɔkəje lə dəwje kə Ijarayɛl karə duwa dɔ naan lo gangə sariya tə̂ lə Jiipije. Dulaje kəy-kula tə̂ karə n̂-ddee kə njê-kaw-kulaje le.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

3 Jan 1:7

Mba ɔju dɔ Kristə â dosoje nɛ̂n ddəw-boô dawje ngaâ n̂-mbətəje ta karə dəwje kə̂ gərəje Lubba ang arəde marə nɛ̂n.