Kulaje 5:16 - Dɔnɔn kə̂ Siki: Tar kə̂ aw arə təbbə

¹⁶ Dəwje tokə banya inje ngann bbeje tə̂ kə̂ toje ngɔsi kə tɔkə bbe kə̂ Jerujalɛm ddeeje tɔ. Dotoje njê-rɔ-toje kə dəwje kə̂ ndilje kə̂ maji ang aw ulaje kəmde ndoo tə̂ n̂-ddeeje kə de ngaâ dede tɔyn dajije.

Maketuru le Lubba ke tar kabba

¹⁶ Dewje banya banya inje ke me ngann bbeje te ke toje ngɔsi ke tɔku bbe ke Jurusalam ddeeje tɔ. Dotoje nje-rɔ-toje, ke dewje ke ndilje ke majang ulaje kemde ndoo n̂-ddeeje ke de ngaa dede tɔyn rɔde ddee maji.

Kulaje 5:16 Iomraidhean Croise

Matiye 2:16

Erodə le gərə to njê-nɛ̂n-gərəje le ulɛ̂je naan tə̂ ngaâ wungu ɔɛ̂n nya. Yeenn bba, nunn ndu karə n̂-tɔl ngannje kə̂ dingaw kə̂ bbalde joo wase bbalde aw ngɔsi kə bbal joo mə bbe tə̂ kə̂ Betelehɛm kə mə bbeje tə̂ kə̂ mbɔrɛ̂ tə̂, asə kəm ndɔje kə̂ nje-nɛ̂n-gərəje ɔjuje arɛ̂je.

Matiye 4:24

Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide.

Matiye 8:16

Lo-kul a, n̂-ddee kə dəwje nya nya kə̂ ndilje kə̂ maji ang toje məde tə̂ rɔ Jeju tə̂. Tar kə̂ ta Jeju tə̂ njaa tubba nɛ̂n ndilje kə̂ maji ang le ngaâ aji njê-rɔ-toje le tɔyn.

Luku 5:17

Marə ndɔ Jeju aw tɔju nɛ̂n. Parijinyɛje kə njê-gərəje-Ndu isije nangə̂. Dinje ngann bbeje tə̂ tɔyn kə̂ Galile kə Jude kə Jerujalɛm. Singa-mɔngu lə Əbbə-dəwje aw dda kula lo tə̂ənn arə Jeju aji njê-rɔ-toje.

Luku 6:18

N̂-ddeeje mba koo tar lə Jeju ddəm mba karə najide rɔ-toje tə̂ ləde ddəm. Njê kə̂ ndilje kə̂ maji ang aw ulaje kəmde ndoo tə̂ kara ajije.

Luku 9:11

A dəwje kə̂ banya le gərəje tarɛ̂ ngaâ ɔruje goe. Jeju taade kə rɔɛ̂ tə̂ ngaâ pa tar kɔn-mbay lə Lubba arəde ddəm aji njê-rɔ-toje kə̂ ndikije karə najide ddəm.

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Kulaje 4:30

Maji karə ə-tɔju singa-mɔngu ləi arə rɔ-toje goto rɔ dəwje tə̂, arə nɛ̂n-mɔrije kə nɛ̂nje kə̂ dum dɔ koo toje. Arə nɛ̂njeenn toje tokə baann kə ri Jeju kə̂ to nje-kula ləi kə̂ maji tɔyn.»

Kulaje 5:15

Dəwje ddeeje kə njê-rɔ-toje ddəw-boô. Dungu marɛ̂je tuwa tə̂, a marɛ̂je rakəje tə̂, ta bbo Piyɛr aw nday a, ndile uru dɔ marɛ̂je tə̂.

Kulaje 5:17

Lo tə̂ənn, mə dda tɔkə nje-polo Lubba kə njê kə̂ mbɔrɛ̂ tə̂ kə̂ eeje mə kuwa-dɔ-naan tə̂ lə Sadusinyɛje ngaâ dinje

1 Kɔrɛntinyɛje 12:9

Ndil kə̂ kâra baa le njaa arə marə dəw mə-kunn ngaâ arə marə dəw dang gusu kaji nɛ̂n njê-rɔ-toje.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.