Kulaje 5:12 - Dɔnɔn kə̂ Siki: Tar kə̂ aw arə təbbə

¹² Njê-kaw-kulaje ddaje nɛ̂n-mɔrije kə nɛ̂nje kə̂ dum dɔ koo nya nya horo dəwje tə̂. Dəwje tɔyn kə̂ ooje məde tə̂ mbɔnje naan kɔ baranda tə̂ lə Salomɔn.

Maketuru le Lubba ke tar kabba

¹² Nje-kayn-kulaje ddaje ne-mɔrije ke neje ke dum-dɔ-koo nya nya horo dewje te. Dewje tɔyn ke ooje mede te mbɔnje naa kɔ baranda te le Salomɔ.

Kulaje 5:12 Iomraidhean Croise

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Tar kə̂ Maji kə̂ Jan dda makəturu tə̂ 10:23

Jeju aw nja lo tə̂ kə̂ daw bbar nan: «baranda lə Salomɔn» mə kəy-polo Lubba tə̂.

Tar kə̂ Maji kə̂ Jan dda makəturu tə̂ 4:48

Jeju pa arɛ̂ nan: «Bbo m-dda nɛ̂n-mɔrije kə nɛ̂nje kə̂ dum dɔ koo ang a, â kasəje ta koo məse tə̂ ang.»

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 16:18

N̂-təl dɔ tar tə̂ənn le ndɔ banya nya. Asə ang boy a, Pɔl turu rɔɛ̂ ngaâ pa arə ndil le nan: «Kə ri Jeju-Kristə, munn ndu mari karə ə-tee mə ngonn kə̂ dɛnɛ̂n tə̂ nəənn kə ddang!» Kar tə̂ənn njaa ndil le unda lo tee.

Kulaje 19:11

Lubba dda tɔkə nɛ̂n-mɔrije ddəw tə̂ lə Pɔl.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 28:9

Goe tə̂ a, marə njê-bbeje kə̂ Maltə kə̂ rɔde tode ddee ooeje ngaâ najide tɔ.

Kulaje 3:11

Dəw le inya go Piyɛr de kə Jan ang. A dɔ dəwje tɔyn ayn ngaâ daynje dawje rɔde tə̂ kɔ baranda tə̂ kə̂ daw bbar nan «Baranda lə Salomɔn.»

Kulaje 4:30

Maji karə ə-tɔju singa-mɔngu ləi arə rɔ-toje goto rɔ dəwje tə̂, arə nɛ̂n-mɔrije kə nɛ̂nje kə̂ dum dɔ koo toje. Arə nɛ̂njeenn toje tokə baann kə ri Jeju kə̂ to nje-kula ləi kə̂ maji tɔyn.»

Kulaje 9:33

Lo tə̂ənn, ninga marə dingaw kə̂ dəbbə rɔɛ̂ oy ngaâ to tuwa rɔ-to tə̂ nangə̂ bbal jijoo. Ria nan Ene.

Kulaje 9:40

Piyɛr arə dəwje tɔyn teeje ddaka ngaâ ungu məkəjə-gɔlɛ̂ nangə̂ duju Lubba. Goe tə̂ a, n̂-turu rɔɛ̂ kə rɔ niinn tə̂ le ngaâ n̂-pa nan: «Tabita, in taar.» Tabita le təəyn kəmɛ̂. Noo Piyɛr le a, nin nisi taar.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

2 Kɔrɛntinyɛje 12:12

M-tɔ wurum mə nɛ̂nje tə̂ tɔyn kə̂ ingamje, m-dda nɛ̂nje kə̂ dum dɔ koo kə nɛ̂n-mɔrije dang dang bbeê ləse. Yeenn tɔju to m-to nje-kaw-kula njaa.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.