Kulaje 4:36 - Dɔnɔn kə̂ Siki: Tar kə̂ aw arə təbbə

³⁶ Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.

Maketuru le Lubba ke tar kabba

³⁶ Yeenn bba, mare dew ke ria na Jejebbe ke nje-kayn-kulaje aw bbareje na Barnabase ee ke teenn. Gel ri le na: «Nje-kula dingaw me dewje te». N̂-to dew ke gel Lebi te ke duje Sipere.

Kulaje 4:36 Iomraidhean Croise

Marke 3:17

Jakə de kə ngokɔɛ̂n Jan kə̂ n̂-toje to ngann lə Jebede. Jeju unda ride nan Bowanɛrjesə, gəle nan: «Dingawje kə̂ toje tokə lə ndi kə̂ aw ndangə.»

Kulaje 11:30

N̂-ddaje tokə baann. Darəje nɛ̂nje le Barnabas de kə Sɔl darə dawje nɛ̂n darə dəwje kə̂ dɔ Egilisi tə̂ kə̂ nangə tə̂ kə̂ Jude.

Kulaje 12:25

Barnabas de kə Sɔl n̂-tungaje kula ləde Jerujalɛm ngaâ daw təlje a, dawje kə Jan kə̂ daw bbarɛ̂ nan Markə jide tə̂.

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 13:15

N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Kulaje 13:2

Marə ndɔ n̂-mbɔnje naan mba polo Əbbə-dəwje ngaâ dɔkuje rɔde nɛ̂n-kusa a, Ndil-mə-nda pa nan: «Undaje Barnabas de kə Sɔl dang mba kula kə̂ m-bbarde mbɛɛ̂.»

Kulaje 13:4

Ndil-mə-nda ula Barnabas de kə Sɔl arə daw dawje kə bbe tə̂ kə̂ Selisi ngaâ dunnje to lo tə̂ənn ta kaw ər kə dɔ dərə-maann tə̂ kə̂ Sipərə.

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 15:37

Barnabas ndiki karə Jan kə̂ daw bbarɛ̂ nan Markə aw kə de tɔ.

Kulaje 15:39

Tar ləde aw naan tə̂ ang ngaâ nân nân kara unn ddəw laa. Barnabas ila Markə goe tə̂ ngaâ dunnje tɔkə to dawje Sipərə.

Kulaje 21:16

Marə njê-mə-kunnje kə̂ Sejare kə̂ aw dannjeje Jerujalɛm awje kə je arə n-to kəy lə Nasɔn bbe tə̂ kə̂ Sipərə. Nasɔn le to nje-mə-kunn ləw baa.

Kulaje 21:3

N-tee ngɔsi kə Sipərə ngaâ jaw joo dɔɛ̂. Jinya Sipərə le, a n-nday bəər ngaâ junn ddəw kə̂ Siri. Jaw juru nangə̂ Tir, mba nje-tɔkə to le a ta kungu nɛ̂n-kotoje lo tə̂ənn.

Kulaje 27:4

Jin lo tə̂ənn, junn ddəw kə̂ tee giri Sipərə tə̂, mba ləl aw tila kəmje.

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

1 Kɔrɛntinyɛje 9:6

Wase to tar ləje, əman kə Barnabas joo baa ta dda kula bba ta kinga nɛ̂n nɛ̂n-kusa taje wa?

Galatəje 2:1

Bbal dɔku gire sɔ goe tə̂ a, m-təl maw Jerujalɛm kə Barnabas. Maw kə Titə tɔ.

Galatəje 2:13

Marə ngakɔnjejeje kə̂ toje to Jiipije unnje nɛ̂n-dda ngəm laa le tɔ arə Barnabas kara unn gode tɔ.

Galatəje 2:9

Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.