Kulaje 4:27 - Dɔnɔn kə̂ Siki: Tar kə̂ aw arə təbbə

²⁷ «Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.

Maketuru le Lubba ke tar kabba

²⁷ «Tɔkɔrɔ njaa, Erode de ke Ponse Pilate n̂-mbɔnje naa me bbe te neenn ke dewje ke gelde to Jiipije ang ddem ke Jiipije njaa ddem mba mbete ne Jeju ke to nje-kula lei ke maji tɔyn ke ila wubbu dɔe te ta kundae dang to Mesi.

Kulaje 4:27 Iomraidhean Croise

Matiye 14:1

Dɔ ndɔɛ̂ tə̂ənn, Erodə Antipas kə̂ to mbay kə̂ Galile oo tam Jeju a,

Matiye 14:3

Ləw, Erodə Antipas arə duwa Jan n̂-tɔɛ̂ dilɛ̂ kəy-kula tə̂ mba Erodiyadə kə̂ to dɛnɛ̂n lə ngokɔɛ̂n Pilipi.

Matiye 14:6

A ndɔ kə̂ Erodə inga bbal kâra dɔ marɛ̂ tə̂ asə ngaâ n̂-dda kusu a, ngonn lə Erodiyadə kə̂ dɛnɛ̂n la nɔn dəwje tə̂ arə nəəl Erodə nya.

Matiye 21:28

Jeju pa arəde bbay nan: «Ddi â əjəje dɔ tar tə̂ kə̂ mâ ta pa karəse nəənn wa? Marə dingaw, ngannɛ̂ kə̂ dingaw eeje joo. N̂-pa narə ne kə̂ tɔkə nan: ‹Ngonnəm, aw bbokənɛn aw dda kula mə ndɔɔ binyə tə̂ ləm.›

Matiye 23:37

«See dəwje kə̂ Jerujalɛm! See dəwje kə̂ Jerujalɛm! Sese kə̂ aw tɔlje njê-kilaje mbər tar lə Lubba ngaâ aw tilaje dəwje kə̂ Lubba ulade arəse kə ər aw tɔljede. M-ndiki nya ta mbɔnse tokə kɔn-kunja aw mbɔn ngannɛ̂ kɔ bakɛ̂ tə̂, a ə-ndikije ang.

Matiye 27:2

Duwɛ̂je n̂-tɔɛ̂je ngaâ n̂-ddeeje saa dulɛ̂je ji ngonn mbay Pilatə tə̂.

Marke 10:33

«Ooje, jaw jawje kə Jerujalɛm. Dəwje a kilaje Ngonn lə dəw ji mbayje tə̂ lə njê-poloje Lubba kə ji njê-gərəje-Ndu tə̂. Dâ gangə sariya-yo dɔɛ̂ tə̂ ngaâ dâ kilɛ̂ ji dəwje tə̂ kə̂ gərəje Lubba ang.

Marke 15:31

Mbayje lə njê-poloje Lubba kə njê-gərəje-Ndu kara aw kokoje Jeju, n̂-paje horo naan tə̂ tɔ nan: «Naji marə dəwje, a nasə kaji da-rɔɛ̂ njaa ang!

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 22:63

Dəwje kə̂ aw ngəmje Jeju le aw kokeje ngaâ aw tundɛ̂je.

Luku 23:1

Dəwje le tɔyn inje awje kə Jeju nɔn Pilatə tə̂.

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Luku 9:22

Jeju pa bbay nan: «Maji karə Ngonn lə dəw oo ndoo nya, maji karə tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje, maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Tar kə̂ Maji kə̂ Jan dda makəturu tə̂ 1:11

Tar le ddee bbeê laa njaa, a njê kə̂ bbeê laa le tɛɛ̂je kə rɔde tə̂ ang.

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 18:28

Goe tə̂ a, din kə Jeju bbeê lə Kayipi daw saa kə əndɔɔ baa kəy-mbay tə̂ lə ngonn mbay kə̂ Rɔm. A njê-kɔnje dɔ Jiipije andəje kəy-mbay tə̂ le ang. Mba, n̂-ndikije karə nɛ̂n-yərəw ɔrude ang. Baann bba dâ kasəje ta kɔn muru Pakə.

Tar kə̂ Maji kə̂ Jan dda makəturu tə̂ 18:29

Mba yeenn bba Pilatə ddee ingade ddaka. N̂-dujude nan: «Tar ddi bba undaje dɔ dingaw tə̂ nəənn wa?»

Tar kə̂ Maji kə̂ Jan dda makəturu tə̂ 19:34

A marə mbamba kâra ɔsu kar Jeju le kə ninga. Njangə baa njaa, məsə ddəm maann ddəm teeje kəm do tə̂ le.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 2:27

mba â tusum kinyam lo tə̂ lə dəwje kə̂ oyje ang. Ngaâ â kinyam, əman kə̂ munn rɔm tɔyn mbai karə m-ndum mə buwa-yo tə̂ ang.

Kulaje 4:30

Maji karə ə-tɔju singa-mɔngu ləi arə rɔ-toje goto rɔ dəwje tə̂, arə nɛ̂n-mɔrije kə nɛ̂nje kə̂ dum dɔ koo toje. Arə nɛ̂njeenn toje tokə baann kə ri Jeju kə̂ to nje-kula ləi kə̂ maji tɔyn.»

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.