Kulaje 4:21 - Dɔnɔn kə̂ Siki: Tar kə̂ aw arə təbbə

²¹ N̂-təlje dinje kə de bbay, a dinyajede mba dingaje marə tar kə̂ a kasə karəde ddəw karə duwaje nɛ̂n de ang. Mba dəwje tɔyn aw ɔsuje gaji Lubba mba nɛ̂n kə̂ to le.

Maketuru le Lubba ke tar kabba

²¹ N̂-telje dinje ke de bbay a, dinyade mba dingaje mare tar ke a kase kunn ddew kare duwaje ne de ang. Mba dewje tɔyn aw ɔsuje gaji Lubba wɔju dɔ ne ke nday le.

Kulaje 4:21 Iomraidhean Croise

Matiye 15:31

Dəwje kə̂ banya le ooje njê-mətəje kə̂ mətə ləde le goto, nje-gɔl-gotoje kə̂ gɔlde ddee maji, njê-kəm-tɔje kə̂ ooje lo kə dəwje kə̂ mbide utu ddəm tade utu ddəm kə̂ aw paje tar le a, dɔde ayn ngaâ dɔsuje gaji Lubba lə Ijarayɛl.

Matiye 21:46

N̂-sangəje ddəw ta kuwɛ̂je, a n̂-bbəəlje kəm dəwje kə̂ banya, mba dəwje le gərəje to Jeju to marə nje-kila mbər tar lə Lubba.

Matiye 26:5

A n̂-paje nan: «Arəje juwɛ̂je ndɔ kusu tə̂ ang, mba a kuju bula.»

Matiye 9:33

Jeju tubba ndil kə̂ maji ang le ngaâ dingaw le unn kutu pa tar. Nɛ̂n le dum dɔ dəwje kə̂ banya kə̂ eeje tə̂ənn ngaâ n̂-paje nan: «Joo nɛ̂n kə̂ be nangə Ijarayɛl tə̂ ndɔ kâra ang.»

Matiye 9:8

Dəwje kə̂ banya le ooje baann a, bbəəl uta dɔde ngaâ dɔsuje gaji Lubba mba singa kə̂ baann kə̂ narə dəwje le.

Luku 13:17

Jeju aw pa tar le baann a, rɔ njê-baanje laa tɔyn wul. A dəwje kə̂ banya le rɔde nəəlde mba nɛ̂n-pitije kə̂ Jeju aw dda le.

Luku 20:19

Kar tə̂ənn njaa mbayje lə njê-poloje Lubba kə njê-gərəje-Ndu aw sangəje ddəw ta kuwɛ̂, a n̂-bbəəlje kəm dəwje. Mba n̂-gərəje to dede â Jeju aw pa gusu-tar nəənn ɔju dɔde.

Luku 20:6

A bbo n-pa nan dəwje â ulɛ̂ a, dəwje tɔyn a tilajeje kə ər, mba n̂-gərəje to Jan to nje-kila mbər tar lə Lubba njaa.»

Luku 22:2

Mbayje lə njê-poloje Lubba kə njê-gərəje-Ndu aw sangəje gusu kə̂ ta tɔl nɛ̂n Jeju, a n̂-bbəəlje kəm dəwje.

Luku 5:26

Dəwje tɔyn ooje a, dɔde ayn ngaâ ɔsuje gaji Lubba. Bbəəl uta dɔde ngaâ n̂-paje nan: «Joo nɛ̂n-kɔbbu bbokənɛn.»

Kulaje 4:17

Maji karə n-ddaje jarə tarɛ̂ nja kə kete horo dəwje tə̂ ang ngaa. Ja kin kə de karə n̂-bbarje ri Jeju n̂-paje nɛ̂n tar darə marə dəw ang ngaa.»

Kulaje 4:22

Dəw kə̂ n̂-dda nɛ̂n-mɔri darə rɔɛ̂ ddee maji le bbalɛ̂ uta bbal dɔsɔ.

Kulaje 5:13

Dəwje aw paje tar ləde maji njaa, a dəw kâra tay mba kandə horode tə̂ ang.

Kulaje 5:26

Yeenn ngaâ nje-kɔn dɔ dəwje kə̂ aw ngəmje ta-kəy-polo lubba le aw kə njê-kulaje laa ngaâ daw ddeeje kə njê-kaw-kulaje le, a n̂-ddaje kə de nɛ̂n-singa ang. N̂-bbəəlje mba dəwje a kin tilajede kə ər.

Kulaje 5:40

n̂-bbarje njê-kaw-kulaje le dundajede kə ndəy ngaâ dunnje ndu darəde karə n̂-paje tar kə ri Jeju ang, a dinyade.