Kulaje 4:13 - Dɔnɔn kə̂ Siki: Tar kə̂ aw arə təbbə

¹³ Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

Maketuru le Lubba ke tar kabba

¹³ Toke nje-gangeje sariya le Jiipije ooje ddew ke Piyar de ke Jan ke n̂-toje to dewje ke baa ke dewje ke gereje maketuru ang daw n̂-paje ne tar ke bbeel ang le a, gange singade. A n̂-gɔnjede n̂-gereje tɔ to n̂-toje to nje-buwa-njaje le Jeju.

Kulaje 4:13 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 26:71

Nunn ddəw ta kɔtu ngaâ n̂-tee ta-ndoko tə̂ le a, marə nje-kula kə̂ dɛnɛ̂n dang ooe ngaâ pa arə njê kə̂ isije lo tə̂ənn nan: «Dəw nəənn nja kə Jeju kə̂ Najarɛtə le tɔ.»

Matiye 26:73

Ngaji goe tə̂ a, njê kə̂ eeje tə̂ənn le awje ngɔsi kə Piyɛr le ngaâ paje arɛ̂ nan: «Ee horo dəwje tə̂ lə Jeju njaa. Tar pa ləi njaa tɔju.»

Luku 22:8

Jeju ula Piyɛr kə Jan. N̂-pa narəde nan: «Awje aw ddaje muru Pakə arəje jaw jɔnje.»

Tar kə̂ Maji kə̂ Jan dda makəturu tə̂ 19:26

Jeju oo kɔɛ̂nje kə nje-nja goe tə̂ kə̂ n̂-ndike nya kə̂ ar mbɔr kɔɛ̂nje tə̂ le ngaâ pa arə kɔɛ̂nje le nan: «Dɛnɛ̂n, ngonni â toonn.»

Tar kə̂ Maji kə̂ Jan dda makəturu tə̂ 7:15

Nɛ̂n-tɔju laa le dum dɔ njê-kɔnje dɔ Jiipije ngaâ paje nan: «Dəw nəənn ndo makəturu ang, a n̂-gərə nɛ̂nje nəənn nya be tokə baânn wa?»

Tar kə̂ Maji kə̂ Jan dda makəturu tə̂ 7:49

Bbayɛ̂ njaa to dəwje kə̂ banya kə̂ gərəje Ndu lə Mɔyijə ang. N̂-toje to dəwje kə̂ ndu-ndɔɔl to dɔde tə̂ mban.»

Kulaje 4:14

Daaje dəw kə̂ gɔlɛ̂ ddee maji kə̂ ar mbɔrde tə̂ le a, n̂-gərəje tar kə̂ dâ kilaje tə̂ ang.

Kulaje 4:19

A Piyɛr de kə Jan dilaje tə̂ nan: «Ddi â to gatə gatə kəm Lubba tə̂ wa? Koo tase wase koo ta Lubba wa? To tar ləse karə ujaje kəmɛ̂!

Kulaje 4:29

Bbasinɛn nəənn, Əbbəjeje, maji karə oo singa kə̂ daw dda kə je bbo arəje singa, jee bbərə-kulaje ləi, arə n-pa tar ləi kə bbəəl ang.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

Kulaje 9:28

Unn kute karɛ tə̂ənn, mə bbe tə̂ kə̂ Jerujalɛm, lo tɔyn kə̂ njê-kaw-kulaje aw awje tə̂ a, naw kə de naan tə̂ naan tə̂. Naw tɔju tar kə ri Əbbə-dəwje kə bbəəl ang.

1 Kɔrɛntinyɛje 1:27

A Lubba unn nɛ̂n kə̂ to nɛ̂n-mbə duninya tə̂ mba kila nɛ̂n rɔ-kul kəm njê-nɛ̂n-gərəje tə̂. Lubba unn nɛ̂n kə̂ singɛ̂ goto kəm dəwje tə̂ mba kila nɛ̂n rɔ-kul kəm njê-singaje tə̂.

1 Kɔrɛntinyɛje 14:25

Nɛ̂nje kə̂ toje lo-kiyɛ̂ tə̂ məɛ̂ tə̂ a teeje kə ddaka ngaâ nâ tee koso dəbbə kəmɛ̂ nangə̂, nâ wal Lubba ngaâ nâ pa nan Lubba ee horose tə̂ tɔkɔrɔ njaa.

2 Kɔrɛntinyɛje 3:12

Junda məje tokə baann le arə məje oso pɔn.