Kulaje 3:22 - Dɔnɔn kə̂ Siki: Tar kə̂ aw arə təbbə

²² Mɔyijə pa kete nan: ‹Əbbə-dəwje Lubba ləse a kula marə dəw kâra horo ngakɔnse tə̂ tokə əman nəənn karəse to nje-kila mbər tar lə Lubba. A kooje tɛɛ̂ mə nɛ̂nje tə̂ tɔyn kə̂ nâ pa karəse.

Maketuru le Lubba ke tar kabba

²² Moyije pa kete na: ‹Ebbe-dewje Lubba lese a kula mare dew kara horo ngakɔnse te karese to nje-kila mber-tar le Lubba toke ema. A kooje tae ddew neje te tɔyn ke na pa karese.

Kulaje 3:22 Iomraidhean Croise

Matiye 21:11

Dəwje kə̂ banya le ilaje tə̂ nan: «Jeju kə̂ to nje-kila mbər tar lə Lubba â nəənn, nin Najarɛtə, nangə Galile tə̂.»

Luku 13:33

A maji karə m-nja nja ləm bbokənɛn, bara kə nunan. Mba ddəw kə̂ ta karə nje-kila mbər tar lə Lubba oy nɛ̂n marə lo tə̂ dang kə Jerujalɛm goto.›

Luku 24:19

Jeju dujude nan: «Ddi wa?» Dilɛ̂je tə̂ nan: «Nɛ̂n kə̂ inga Jeju kə̂ Najarɛtə. N̂-to nje-kila mbər tar lə Lubba kə̂ ngəng nya ddəw kula tə̂ ddəm ddəw tar tə̂ ddəm nɔn gɔl Lubba tə̂ kə nɔn gɔl dəwje tə̂ tɔyn.

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 12:46

Əman, m-to lo-karɛ, m-ddee dɔ nangə tə̂ karə dəw kə̂ unn məɛ̂ arəm a, nayn lo ndul tə̂ ang.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

Ebərəje 2:1

Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.