Kulaje 3:13 - Dɔnɔn kə̂ Siki: Tar kə̂ aw arə təbbə

¹³ Lubba lə Abaraham, lə Ijakə, lə Jakobbo, Lubba lə kajeje ɔsu gaji Nje-kula laa Jeju kə̂ uwɛ̂je ilɛ̂je ji njê-kɔn-bbeje tə̂ ngaâ ə-mbəteje nɔn Pilatə tə̂ kə̂ oo maji ta kinyɛ̂ le.

Maketuru le Lubba ke tar kabba

¹³ Lubba le Abaraham, Ijake, ke Jakobbo, Lubba le kajeje ɔsu gaji Nje-kula laa Jeju ke uwaeje ilaeje ji nje-kɔn̂-bbeje te, ngaa e-mbeteje nɔ Pilate te ke ndiki ta kinyae.

Kulaje 3:13 Iomraidhean Croise

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 20:19

ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Matiye 22:32

‹M-to Lubba lə Abaraham, Lubba lə Ijakə, Lubba lə Jakobbo.› N̂-to Lubba lə dəwje kə̂ isije kəm baa, bbo Lubba lə dəwje kə̂ oyje ang.»

Matiye 27:2

Duwɛ̂je n̂-tɔɛ̂je ngaâ n̂-ddeeje saa dulɛ̂je ji ngonn mbay Pilatə tə̂.

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Marke 15:11

A mbayje lə njê-poloje Lubba le ɔsuje kutu dəwje kə̂ banya karə dujuje Pilatə arə Barabas â ninyɛ̂ narəde.

Luku 22:57

A Piyɛr mayn nan: «Dɛnɛ̂n, m-gəre ang.»

Luku 23:4

Pilatə pa arə mbayje lə njê-poloje Lubba kə dəwje kə̂ banya le nan: «Minga marə nɛ̂n kə̂ asə karə munda nɛ̂n tar dɔ dingaw tə̂ nəənn kâra ang.»

Luku 6:37

«Maji karə ə-gangəje sariya dɔ dəw tə̂ ang, a Lubba a gangə sariya dɔse tə̂ ang tɔ. Undaje tar dɔ dəw tə̂ ang, a Lubba a kunda tar dɔse tə̂ ang tɔ. Ɔruje tar dɔ dəwje tə̂, a Lubba a kɔru tar dɔse tə̂ tɔ.

Tar kə̂ Maji kə̂ Jan dda makəturu tə̂ 12:16

Njê-njaje goe tə̂ gərəje gəl nɛ̂njeenn le dɔngɔr ang. A kar kə̂ Jeju inga piti ngaa bba doleje məde dɔ tar tə̂ kə̂ Makəturu lə Lubba pa kete ɔju dɔɛ̂ le. Dəwje ddaje nɛ̂ɛnn le mbɛɛ̂.

Tar kə̂ Maji kə̂ Jan dda makəturu tə̂ 18:40

Duruje əkii nan: «Ne ang! Barabas â ɔrɛ̂.» Barabas le to dəw kə̂ aw uwa nɛ̂n lə dəwje aw taa kə singa.

Tar kə̂ Maji kə̂ Jan dda makəturu tə̂ 19:11

Jeju ilɛ̂ tə̂ nan: «Bbo Lubba ari singa ang a, ee kə marə singa kâra dɔm tə̂ ang. Mba yeenn bba, dəw kə̂ ulam jii tə̂ â dda majang kə̂ bo nya.»

Tar kə̂ Maji kə̂ Jan dda makəturu tə̂ 19:12

Karɛ̂ tə̂ənn njaa Pilatə aw sangə ddəw ta kinya Jeju. A Jiipije uruje əkii nan: «Bbo inyɛ̂ a, ə-to nam tɔkə mbay kə̂ Rɔm ang. Mba dəw kə̂ dda rɔɛ̂ to mbay, to nje-baan le tɔkə mbay kə̂ Rɔm.»

Tar kə̂ Maji kə̂ Jan dda makəturu tə̂ 19:15

A duruje əkii nan: «Ə-tɔlɛ̂, ə-tɔlɛ̂. Ə-tɔlɛ̂ kakə-dəsə tə̂.» Pilatə pa arəde nan: «Ta m-tɔl tɔkə mbay ləse le kakə-dəsə tə̂ wa?» Mbayje lə njê-poloje Lubba ilɛ̂je tə̂ nan: «Marə tɔkə mbay ləje dang to ang. Tɔkə mbay ləje kâra baa to tɔkə mbay kə̂ Rɔm.»

Tar kə̂ Maji kə̂ Jan dda makəturu tə̂ 7:39

Jeju pa tar nəənn ɔju dɔ Ndil kə̂ dəwje kə̂ ooje məde tə̂ saa a kingaje le. Kar tə̂ənn, Ndil-mə-nda ddee ang bbay, mba Jeju nayn inga piti lə Lubba ang bbay.

Kulaje 22:14

Ananiyas le pa arəm nan: ‹Lubba lə kajeje bbari undai dang karə ə-gərə nɛ̂n kə̂ məɛ̂ ndiki, karə ta oo Jeju kə̂ to dəw kə̂ gatə gatə, karə ta oo ndue kə mbii.

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Kulaje 3:12

Piyɛr oo nɛ̂n le be a, pa arəde nan: «Dəwje kə̂ Ijarayɛl, mba ddi bba arəje bbəəl ddase mba nɛ̂n kə̂ tee nəənn wa? Mba ddi bba aw aajeje tokə nɛ̂n kə̂ ddəw singaje tə̂ njaa wase mba ngəm kə̂ jaw ngəm Ndu lə Lubba le bba n-ddɛɛ̂ jarə n̂-nja wa?

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 4:27

«Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.

Kulaje 4:30

Maji karə ə-tɔju singa-mɔngu ləi arə rɔ-toje goto rɔ dəwje tə̂, arə nɛ̂n-mɔrije kə nɛ̂nje kə̂ dum dɔ koo toje. Arə nɛ̂njeenn toje tokə baann kə ri Jeju kə̂ to nje-kula ləi kə̂ maji tɔyn.»

Kulaje 7:32

‹M-to Lubba lə kaijedede, Lubba lə Abaraham, lə Ijakə kə lə Jakobbo.› Mɔyijə le isa ngaâ ndiki ta kaa lo kə nɛ̂n tə̂ le ang ngaa.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.