Kulaje 26:7 - Dɔnɔn kə̂ Siki: Tar kə̂ aw arə təbbə

⁷ Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.

Maketuru le Lubba ke tar kabba

⁷ Gel-dewje leje ke dɔku gire joo undaje mede to ne ke Lubba unn ndue ta dda a ddee ne ke tɔkɔrɔ. Yeenn bba daw n̂-poloje Lubba til, ke kare ke me ke enge ang. Tɔku mbayje, ema kara munda mem dɔ ne teenn le tɔ. Ne ke Jiipije undaje ne tar dɔm te le ann.

Kulaje 26:7 Iomraidhean Croise

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Luku 2:25

Marə dingaw kâra ria nan Simenyɔ, nisi bbe tə̂ kə̂ Jerujalɛm. Dingaw le to gatə gatə ddəm unn rɔɛ̂ tɔyn arə Lubba ddəm Ndil-mə-nda to dɔɛ̂ tə̂ ddəm. Naw ngəbbə dəw kə̂ a ddee wul mə ngann Ijarayɛlje.

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 24:15

Munda məm dɔ Lubba tə̂ to dəwje kə̂ gatə gatə ddəm njê kə̂ gatə gatə ang ddəm kə̂ oyje a ndolje. Dede kara dunda məde tokə baann tɔ.

Kulaje 26:2

«Tɔkə mbay Agiripa, rɔm nəələm bbokənɛn nya ta kɔru naji ləm nɔin tə̂ dɔ tarje tə̂ tɔyn kə̂ Jiipije undaje dɔm tə̂.

Kulaje 26:3

Mba ə-gərə nɛ̂n-ji-bbeje lə Jiipije tɔyn kə majɛ̂ ddəm ə-gərə nɛ̂nje tɔyn kə̂ daw maynje naan tar dɔɛ̂ tə̂ ddəm. Yeenn bba, m-duji karə ə-tɔ wuri oo tar ləm.

Kulaje 28:20

Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Pilipinyɛje 3:11

Yeenn bba munda məm to əman njaa kara moy a, mâ ndol tɔ.

1 Tesalonisinyɛje 3:10

Til kə kar, jaw duju Lubba nya karə ɔru ddəw arə jaw joose, bba karə ingaje nɛ̂n kə̂ du mə-kunn tə̂ ləse.

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.