Kulaje 26:22 - Dɔnɔn kə̂ Siki: Tar kə̂ aw arə təbbə

²² A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Maketuru le Lubba ke tar kabba

²² A Lubba njaa ngemem ndereng bbokone, are nɔ dewje te tɔyn, nje ke ten, wase nje ke bo kara m-nayn maw m-pa tar-naji laa bbay. Ne ke a ta ddee ke nje-kilaje mber-tar le Lubba, ke Moyije paje tare le njaa maw m-pa. Mila mare ne dɔe te ang.

Kulaje 26:22 Iomraidhean Croise

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 5:46

Bbo ə-ndikije tarje tə̂ lə Mɔyijə a, â ndikije tarje tə̂ ləm tɔ, mba Mɔyijə pa tar ləm makəturuje tə̂ laa.

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 13:29

N̂-ddaje nɛ̂n tɔyn ddəw kâra baa kə tar kə̂ n̂-pa dɔɛ̂ tə̂ Makəturu tə̂ ngaâ dɔru niinnɛ̂ kakə-dəsə tə̂ dila buwa-yo tə̂.

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Kulaje 26:17

Mâ kɔri ji Jiipije tə̂ kə ji dəwje tə̂ kə̂ toje to Jiipije ang kə̂ mulai kə rɔde tə̂.

Kulaje 26:6

A bbasinɛn, n̂-səkəmje mba munda məm dɔ ndu Lubba tə̂ kə̂ unn arə kajejedede.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Rɔmɛnje 3:21

A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

1 Kɔrɛntinyɛje 15:3

Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.

1 Kɔrɛntinyɛje 15:4

N̂-dubbe dda ndɔ mota a, n̂-ndol tokə makəturu lə Lubba pa le.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.

Apokalisi 11:18

Gəl-dəwje kə̂ toje to ləi ang ddaje wungu, a bbasinɛn, kar wungu ləi asə ngaa. Kar gangə sariya dɔ dəwje tə̂ kə̂ oyje asə ngaa. To kar kə̂ â kuka nɛ̂n njê-kulaje ləi kə̂ toje to njê-kilaje mbər tar ləi, njê kə̂ toje to dəwje ləi kə njê kə̂ aw bbəəlje rii, dede kə̂ n̂-toje to dəwje kə̂ ngaji, kə dede kə̂ n̂-toje to dəwje kə̂ bo. To kar kə̂ â tuju nɛ̂n dəwje kə̂ aw tujuje nangə.»

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.