Kulaje 26:18 - Dɔnɔn kə̂ Siki: Tar kə̂ aw arə təbbə

¹⁸ Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Maketuru le Lubba ke tar kabba

¹⁸ Mulai rɔde te kare e-teyn kemde ta ɔrude lo-ndul te e-tee ke de lo-kare te. Kare ɔrude ji Satan te ke ɔn dɔde e-ddee ke de rɔ Lubba te. Yeenn bba Lubba a kɔru tar majang lede dɔde te ngaa da kingaje lo horo dewje te ke ooje mede te sem ngaa majije tɔyn.› »

Kulaje 26:18 Iomraidhean Croise

Matiye 4:10

Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› »

Matiye 4:16

Dəwje kə̂ isije dann lo ndul tə̂, ooje tɔkə lo-karɛ kə̂ aw ndoko. Ngaâ lo arɛ dɔ dəwje tə̂ kə̂ isije nangə yo tə̂ kə̂ lo ndul kə tə̂.»

Luku 1:77

ta tɔju dəwje laa tar kaji ddəw kɔru tar majangje ləde dɔde tə̂.

Luku 1:79

mba karə njê kə̂ isije lo ndul tə̂, kə njê kə̂ isije kɔ ndil yo tə̂, kəmde uja ddəm, mba tɔjuje ddəw kə̂ ja kinga nɛ̂n mə-wul-lɔm ddəm tɔ.»

Luku 2:32

to lo-karɛ kə̂ a kɔru kəm dəwje kə̂ dɔ nangə tə̂, dəwje kə̂ toje to Jiipije ang ddəm to nɛ̂n kə̂ a kɔsu gaji ngann Ijarayɛlje ddəm.»

Luku 24:45

Yeenn ngaâ n̂-təəyn nɛ̂n-gərə ləde narə n̂-gərəje nɛ̂nje kə̂ Makəturu lə Lubba pa le.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Tar kə̂ Maji kə̂ Jan dda makəturu tə̂ 17:17

Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 3:19

«Sariya le tokə be: Lo-karɛ ddee dɔ nangə tə̂, a dəwje mbətəje lo-karɛ le, a lo ndul â n̂-ndikije, mba kula-ddade maji ang.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Tar kə̂ Maji kə̂ Jan dda makəturu tə̂ 9:39

Goe tə̂ a, Jeju pa nan: «M-ddee dɔ nangə tə̂ nəənn ta gangə sariya, yeenn bba karə dəwje kə̂ ooje lo ang, ooje lo ngaâ ta karə dəwje kə̂ aw ooje lo, ooje lo ang ngaa.»

Tar kə̂ Maji kə̂ Jan dda makəturu tə̂ 9:5

Kar tə̂ nəənn kə̂ m-nayn duninya tə̂ bbay le, m-to lo-karɛ kə̂ duninya tə̂.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 13:47

Mba, ndu kə̂ jinga ta Əbbə-dəwje tə̂ njaa nan: ‹Mundai karə ə-ndoko horo kəsə gəl-dəwje tə̂, karə ta ə-nja kə tar kaji nəənn kɔyn nangə tə̂ tɔyn.›»

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Kulaje 26:19

«Tɔkə mbay Agiripa, mba yeenn â, m-tusu nɛ̂n kə̂ in darâ kə̂ moo tokə lə ninjeenn le minya m-dda nɛ̂n kə̂ dang ang.

Kulaje 26:23

N̂-paje nan Kristə a koo ndoo. Horo dəwje tə̂ kə̂ oyje nâ to dɔngɔr dəw kə̂ a ndol ngaâ nâ kila mbər lo-karɛ karə Jiipije kə dəwje kə̂ toje to Jiipije ang.»

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 6:14

Daw mbɔn daje naan tə̂ joo bba daw dda nɛ̂n kula. A dəwje kə̂ ooje məde tə̂ ang le, maji karə ə-mbɔnje naan kə de tokə baann ang. Ddi bba a mbɔn nɛ̂n kə̂ gatə gatə kə nɛ̂n kə̂ maji ang naan tə̂ wa? Lo-karɛ a dda mə-kâra kə lo ndul tokə baânn wa?

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 3:14

Baann bba karə tar kə̂ maji kə̂ Lubba bbar dɔ Abaraham tə̂ le ddee dɔ dəwje tə̂ kə̂ toje to Jiipije ang le ddəw tə̂ lə Jeju-Kristə. Ngaâ karə jingaje Ndil kə̂ Lubba unn ndue ta karə le ddəw mə-kunn tə̂.

Galatəje 3:2

M-ndiki karə tar nəənn njaa ilamje tə̂: Ngəm kə̂ ə-ngəmje Ndu lə Mɔyijə â ingaje nɛ̂n Ndil-mə-nda wase mə-kunn â ingaje nɛ̂n Ndil-mə-nda le wa?

Epɛjinyɛje 1:11

Ddəw mə-kâra tə̂ kə̂ n-ddaje kə Kristə le jinga nɛ̂n kə̂ to ɔju dɔje. Mba Lubba mbərəje kete, ne njaa n̂-gɔl tokə baann. Naw dda nɛ̂nje tɔyn kə turu ndue tokə məɛ̂ ndiki.

Epɛjinyɛje 1:14

Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Epɛjinyɛje 4:18

Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

Epɛjinyɛje 5:11

Nɛ̂nje kə̂ dəwje kə̂ aw njaje lo ndul tə̂ aw ddaje to nɛ̂nje kə̂ aw ddaje maji kə dəw ang. Maji karə ulaje rɔse kə tə̂ ang. A maji karə ə-teeje kə tarɛ̂ kə ddaka.

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

2 Timɔte 2:26

Dâ təlje kingaje kəjə kə̂ maji guku ngaâ dâ teeje mə bandə tə̂ lə Əsu kə̂ uwade arə daw ddaje nɛ̂n kə̂ məɛ̂ ndiki le.

Ebərəje 10:10

Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 10:14

Mba ddəw nɛ̂n-karə-baa tə̂ kə̂ kâra baa njaa, n̂-dda narə dəwje kə̂ n̂-toko majang ləde ddeeje maji tɔyn kə ndɔ kə ndɔ.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Jan 1:9

Bbo n-paje tar majang ləje kə ddaka a, Lubba le a kɔru tar majang ləje dɔje tə̂ ngaâ nâ toko kula-ddaje kə̂ maji ang tɔyn, mba naw turu ndue ang ddəm n̂-to gatə gatə ddəm.

1 Jan 2:12

Ngannəm, m-dda makəturu nəənn marəse, mba Lubba ɔru tar majang ləse dɔse tə̂ mba ri Jeju.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.