Kulaje 26:11 - Dɔnɔn kə̂ Siki: Tar kə̂ aw arə təbbə

¹¹ Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Maketuru le Lubba ke tar kabba

¹¹ Maw mande key-mbɔn naa te lede ke ndɔ ndɔ maw mula kemde ndoo. Maw muwade ke singa mare n̂-tajije ri Jeju. Bbo wungu ɔm boy a, m-ndole gode ndereng dɔ bbe te ke ddang.»

Kulaje 26:11 Iomraidhean Croise

Matiye 10:17

Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Marke 13:9

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Marke 3:28

«Tɔkɔrɔ njaa m-pa marəse: Lubba a kɔru tar majangje kə tar nɛ̂n-tajije tɔyn kə̂ dəwje tajɛ̂je dɔde tə̂ kə ddang.

Luku 15:17

Nəjə tar məɛ̂ tə̂ ngaâ n̂-pa nan: ‹Njê-kulaje tokə banya aw usaje nɛ̂n kə majɛ̂ kəy lə bɔmje, a əman, maw moy yo bbo lo tə̂ kə̂ nəənn wa?

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Luku 6:11

Wungu ɔn Njê-gərəje-Ndu kə Parijinyɛje le nya ngaâ daw dujuje naan se ddi â dâ kasəje ta dda kə Jeju le wa?

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Kulaje 22:19

Mila tə̂ m-pa nan: ‹Əbbəmje, n̂-gərəje kə majɛ̂ to maw maw kəy mbɔn-naanje tə̂, marə duwa dəwje kə̂ ooje məde tə̂ səi, daw dilade kəy-kula tə̂ ddəm n̂-tundade kə ndəy ddəm.›

Kulaje 22:5

Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Kulaje 9:1

Kar tə̂ənn, kəjə dda singa kə kəjə tɔl njê-njaje go Əbbə-dəwje tə̂ dɔrɔ â nayn mə Sɔl tə̂ kə ndɔ tɔyn. Yeenn bba naw rɔ tɔkə nje-polo Lubba tə̂,

Jakə 2:7

Dede njaa daw tujuje ri kə̂ maji kə̂ dunda dɔse tə̂ ang wa?

2 Piyɛr 2:16

A Lubba in saa mba kaal-ta laa le. Kororo kə̂ to da kə̂ aw pa tar ang, pa tar kə ndu-gɔsu dəw ngaâ ɔku ddəw Balaam kə̂ to nje-kila mbər tar lə Lubba le arə dda nɛ̂n-mbə le ang.