Kulaje 26:10 - Dɔnɔn kə̂ Siki: Tar kə̂ aw arə təbbə

¹⁰ M-dda nɛ̂ɛnn le Jerujalɛm. Mbayje lə njê-poloje Lubba arəmje ddəw arə əman kə da-rɔm njaa mungu njê-mə-kunnje nya kəy-kula tə̂ ngaâ bbo daw ta tɔlde a, m-ndiki tə̂ tɔ.

Maketuru le Lubba ke tar kabba

¹⁰ M-dda neenn Jurusalam. Tɔku nje-poloje Lubba aremje ddew are ema ke da-rɔm njaa mungu nje-me-kunnje nya key-kula te ngaa bbo da ta tɔlde a, m-ndiki te tɔ.

Kulaje 26:10 Iomraidhean Croise

Kulaje 7:58

N̂-ndɔrɛ̂je n̂-teeje saa mə bbe tə̂ kə ddang ngaâ dunnje kutu tilɛ̂ kə ər ta tɔlɛ̂. Njê-tar-najije kə̂ undaje tar dɔɛ̂ tə̂ le unguje kubbuje ləde dɔ naan tə̂ nɔn marə basan tə̂ kə̂ ria nan Sɔl karə n̂-ngəm.

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

Kulaje 8:3

A Sɔl unn kutu tuju Egilisi. Nandə mə kəyje tə̂, nuwa dingawje kə dɛnɛ̂nje kə singa nungude kəy-kula tə̂.

Kulaje 9:21

Dəwje tɔyn kə̂ ooje tar lə Sɔl le dɔde ayn ngaâ paje nan: «Dəw nəənn â aw ula kəm dəwje kə̂ aw bbarje ri Jeju ndoo tə̂ mə bbe tə̂ kə̂ Jerujalɛm le ang wa? N̂-ddee nəənn ta kuwa njê-mə-kunnje tɔde kaw kə de karə mbayje lə njê-poloje Lubba ang wa?»

Kulaje 9:26

Sɔl le tee Jerujalɛm a, sangə ddəw ta kandə horo njê-njaje go Jeju tə̂, a dede tɔyn njaa n̂-bbəəleje to bbəəl mba dooje to n̂-to nje-nja go Jeju tə̂ kə̂ tɔkɔrɔ ang.

Kulaje 9:32

Piyɛr aw nja nangə tə̂ le tɔyn ngaâ marə ndɔ, naw tee dɔ njê-mə-kunnje tə̂ kə̂ bbe tə̂ kə̂ Lida.

Kulaje 9:41

Piyɛr ula jia uwɛ̂ nɛ̂n arə nin taar ngaâ bbar njê-mə-kunnje kə dɛnɛ̂n-ndubbaje tɔjude Dɔrkas le kəm baa.

1 Kɔrɛntinyɛje 15:9

Mba m-to tɛn baa horo njê-kaw-kulaje tə̂ tɔyn. Masə karə n̂-bbarəm to nje-kaw-kula ang, mba mula kəm Egilisi lə Lubba ndoo tə̂.

Galatəje 1:13

Mba ooje tar nɛ̂n-ddaje ləm kə̂ dɔngɔr, kar tə̂ kə̂ m-nayn maw polo nɛ̂n Lubba tokə lə Jiipije le. Maw mula kəm Egilisi lə Lubba ndoo tə̂ nya ddəm maw tuju Egilisi le ddəm.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.