Kulaje 24:10 - Dɔnɔn kə̂ Siki: Tar kə̂ aw arə təbbə

¹⁰ Goe tə̂ a, ngonn mbay le dda jia arə Pɔl karə pa tar ngaâ Pɔl pa nan: «M-gərə to ə-to nje-gangə sariya lə dəwje mə bbe tə̂ nəənn bbal banya nya. Yeenn bba, mâ ta kɔru naji ləm nɔin tə̂ a, məm oso pɔn.

Maketuru le Lubba ke tar kabba

¹⁰ Goe te a, tɔku-mbay dda jia are Pɔl kare pa tar ngaa Pɔl pa na: «M-gere to e-to nje-gange sariya le dewje me bbe te neenn bbal banya nya. Yeenn a, ma kɔru naji lem nɔi te ke me ke oso pɔn.

Kulaje 24:10 Iomraidhean Croise

Luku 12:11

Bbo daw kə se kəy mbɔn-naan tə̂ lə Jiipije wase nɔn gɔl njê-gangəje sariya tə̂ wase nɔn gɔl njê-kɔn-bbeje tə̂ a, əjəje tar mba gusu kə̂ â kɔruje nɛ̂n naji ləse ang.

Luku 12:14

Jeju ilɛ̂ tə̂ nan: «Dingaw, nân bba undam to nje-gangə sariya horose tə̂ wase to nje-kaynse nɛ̂n wa?»

Luku 18:2

N̂-pa nan: «Marə tɔkə bbe tə̂, marə nje-gangə sariya ee tə̂ənn, n̂-bbəəl Lubba ang ddəm noo dəwje to nɛ̂n kəmɛ̂ tə̂ ang ddəm.

Kulaje 12:17

N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.

Kulaje 13:16

Pɔl in taar, dda jia arəde ngaâ pa nan: «See ngann Ijarayɛlje kə see dəwje kə̂ aw bbəəlje Lubba, ooje tar nəənn.

Kulaje 18:15

A tar le to mayn naan tar dɔ nɛ̂n-tɔju tə̂, tar rije kə Ndu ləse njaa. Yeenn oose sese njaa. M-ndiki ta to nje-gangə sariya tarje kə̂ baann ang.»

Kulaje 19:33

Jiipije utaje Alɛkəjandərə kə kete ngaâ marə dəwje horo dəwje tə̂ kə̂ banya le ɔruje gəl nɛ̂n le arɛ̂je. Alɛkəjandərə le dda jia arə dəwje le karə lo to ddekeke bba ta kɔru gəl tar karə dəwje kə̂ banya le.

Kulaje 21:40

Mbay lə mbambaje le arə ddəw Pɔl karə pa tar. Pɔl le ar dɔ esekaliye tə̂, dda jia arə dəwje le. Lo to nyɛnɛnɛ ngaâ n̂-pa tar narəde kə tar ebərə n̂-pa nan:

Kulaje 23:24

Ə-gɔlje marə sundaje karə unnje Pɔl aw saa kə majɛ̂ nɔn ngonn mbay Peliksə tə̂.»

Kulaje 26:1

Agiripa pa arə Pɔl nan: «Mari ddəw karə ɔru naji ləi.» Pɔl ula jia ngaâ ɔru naji laa nan:

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.