Kulaje 23:9 - Dɔnɔn kə̂ Siki: Tar kə̂ aw arə təbbə

⁹ Tɔkə bula in horode tə̂. Marə njê-gərəje-Ndu kə̂ toje to Parijinyɛje inje taar ngaâ paje tar kə singa nan: «Joo marə nɛ̂n kâra kə̂ asə karə jundaje nɛ̂n tar dɔ dingaw tə̂ nəənn ang. To marə ndil wase marə anjə â pa saa tar a, n-gərə wa?»

Maketuru le Lubba ke tar kabba

⁹ Tɔku bula in horode te. Mare nje-kɔruje gel nduje ke toje to Parijiyenje inje taar ngaa paje tar ke singa na: «Joo mare ne kara ke ase kare jundaje ne tar dɔ dingaw te neenn ang. To mare ndil wase mare anji a pa saa tar a, n̂-gereje wa?»

Kulaje 23:9 Iomraidhean Croise

Marke 2:16

Njê-gərəje-Ndu kə̂ eeje mbɔn-naan tə̂ lə Parijinyɛje ooje a, Jeju aw usa nɛ̂n kə dəwjeenn le tɔyn. Yeenn bba n̂-paje darəje njê-njaje go Jeju tə̂ le nan: «Mba ddi bba naw nusa nɛ̂n kə njê-taaje narɛ lambo kə njê-nɛ̂n-ddaje kə̂ maji ang wa?»

Luku 23:22

Pilatə pa arəde kə̂ gɔl mota laa nan: «Majang ddi â n̂-dda wa? Minga marə nɛ̂n kə̂ n̂-dda kə̂ asə yo ang. Mâ karə dundɛ̂, a dinyɛ̂.»

Luku 23:4

Pilatə pa arə mbayje lə njê-poloje Lubba kə dəwje kə̂ banya le nan: «Minga marə nɛ̂n kə̂ asə karə munda nɛ̂n tar dɔ dingaw tə̂ nəənn kâra ang.»

Luku 5:30

Parijinyɛje kə njê-gərəje-Ndu aw nyuruje ngaâ paje arə njê-njaje goe tə̂ nan: «Mba ddi bba aw usaje nɛ̂n ddəm aw ayje nɛ̂n ddəm kə njê-taaje narɛ lambo kə njê-nɛ̂n-ddaje kə̂ maji ang wa?»

Tar kə̂ Maji kə̂ Jan dda makəturu tə̂ 12:29

Dəwje kə̂ banya kə̂ eeje tə̂ənn ngaâ ooje ndu le paje nan: «To ndi â ndangə.» Marɛ̂je paje nan: «Anjə â pa saa tar.»

Kulaje 11:17

Lubba arəde Ndil-mə-nda tokə narəje kar tə̂ kə̂ junn nɛ̂n məje jarə Əbbə-dəwje Jeju-Kristə le. Yeenn a, m-to dəw ddi bba mâ kasə kɔku ddəw Lubba karə dda marə nɛ̂n wa?»

Kulaje 22:6

«Maw nja ddəw-boô ngaâ m-tee ngɔsi kə Damas ngaâ kar to ngɔsi ta kar dannâ a, a ta koo a, tɔkə lo-karɛ in darâ gukum.

Kulaje 22:7

M-tee moso nangə̂ ngaâ moo marə ndu pa səm tar nan: ‹Sɔl, Sɔl, mba ddi bba ə-dda səm singa wa?›

Kulaje 23:29

Moo a, dunda tar dɔɛ̂ tə̂ mba mayn naan tar dɔ nduje tə̂ ləde. A minga tar kə̂ asə karə n̂-tɔlɛ̂ nɛ̂n wase dilɛ̂ nɛ̂n kəy-kula tə̂ ang.

Kulaje 23:8

Mba Sadusinyɛje paje nan: «Ndol lə dəwje kə̂ oy goto ddəm anjəje gotoje ddəm ndilje gotoje ddəm.» A Parijinyɛje paje nan nɛ̂njeenn toje tɔkɔrɔ.

Kulaje 25:25

Əman, moo marə nɛ̂n kə̂ n̂-dda kə̂ asə yo ang. A ne njaa n̂-duju ta koo tɔkə mbay kə̂ Rɔm. Yeenn bba, moo maji ta kulɛ̂ nɔn tɔkə mbay tə̂ kə̂ Rɔm le.

Kulaje 26:31

Dɔruje rɔde kə guku ngaâ n̂-paje tar horode tə̂ nan: «Dingaw nəənn dda marə nɛ̂n kə̂ asə yo wase marə nɛ̂n kə̂ asə kilɛ̂ nɛ̂n kəy-kula tə̂ kâra ang.»

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Kulaje 5:39

Bbo nɛ̂n kə̂ n̂-ndikije ta dda wase nɛ̂n kə̂ daw ddaje nəənn in ddəw tə̂ lə Lubba a, a kɔkuje ddəwe pin. Arəje Lubba oose to dəwje kə̂ aw ddaje saa ddɔ ang.» Njê-gangəje sariya le ndikije tar tə̂ laa le ngaâ

Kulaje 9:4

N̂-tee noso nangə̂ ngaâ noo marə ndu dəw pa saa tar nan: «Sɔl, Sɔl, mba ddi bba aw dda səm singa wa?»

1 Kɔrɛntinyɛje 10:22

Wase n-ndikije ta dda karə Əbbə-dəwje dda nin wa? Əjəje to jarɛje jutɛ̂ wa?