Kulaje 23:6 - Dɔnɔn kə̂ Siki: Tar kə̂ aw arə təbbə

⁶ Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Maketuru le Lubba ke tar kabba

⁶ Pɔl gere to dewje ke aw uwaje dɔ naa mba gange sariya le, mareje toje to Saduseyenje, a mare toje to Parijiyenje. Yeenn a n̂-pa tar ke taar horo nje-gangeje sariya te le na: «Ngakɔmje, m-to Parijiyen, m-to ngonn le Parijiyen. Gel ne ke da ta gange ne sariya dɔm te to mem ke munda dɔ kin te le dewje ke oy.»

Kulaje 23:6 Iomraidhean Croise

Matiye 10:16

«Ooje, mulase tokə lə batəje horo ənjakəmnjarje tə̂. Yeenn a, maji karə aaje rɔse tokə lə li kə̂ aw aa rɔɛ̂ ngaâ ta arəje tar to dɔse tə̂ ang tokə lə dərje.

Matiye 22:23

Ndɔɛ̂ tə̂ənn njaa Sadusinyɛje ddeeje rɔ Jeju tə̂. Sadusinyɛje le toje to dəwje kə̂ paje nan dəwje kə̂ oyje a ndolje ang. N̂-dujuje tar Jeju nan:

Matiye 3:7

Jan oo Parijinyɛje kə Sadusinyɛje nya nya kə̂ aw ddeeje karə n̂-ddade batɛm le a, n̂-pa narəde nan: «See əmbakaraje, nân bba tɔjuse karə aynje sariya lə Lubba kə̂ aw ddee wa?

Kulaje 22:3

«M-to Jiipi, dujum Tarsə nangə tə̂ kə̂ Silisi. A n̂-ngəməm Jerujalɛm nəənn. M-ndo nɛ̂n kɔ Gamaleyɛl tə̂ dɔ tar ngəm ndu tə̂ lə kajeje. Munn rɔm tɔyn marə Lubba tokə aw ddaje bbokənɛn nəənn.

Kulaje 22:30

Lo arɛ a, mbay lə mbambaje le ndiki ta gərə gəl nɛ̂n kə̂ Jiipije undaje nɛ̂n tar dɔ Pɔl tə̂ le kə majɛ̂. Yeenn bba, narə n̂-tutu kula njamji gɔlɛ̂ tə̂ ngaâ narə mbayje lə njê-poloje Lubba uwaje dɔ naan kə njê-gangəje sariya ngaâ narə n̂-ddee kə Pɔl nɔnde tə̂.

Kulaje 22:5

Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 23:15

Yeenn a, maji karə ooje ta naan kə njê-gangəje sariya ta ə-dujuje mbay lə mbambaje arəje n̂-ddeeje kə Pɔl darəse. Ərəje gusu to nâ ddee karə uruje gəl tar laa kə majɛ̂ ooje. A jeje ja kiya baan ta tɔlɛ̂ kete bba karə n̂-tee nəənn.»

Kulaje 23:20

Ngonn basan le pa arɛ̂ nan: «Marə Jiipije ooje ta naan ta duji karə bara a, arə daw kə Pɔl lo gangə sariya tə̂ ləde. Dâ ta kərəje gusu to daw ta kuru gəl tar laa le kə majɛ̂ koo.

Kulaje 23:7

N̂-pa tar nila nangə̂ ang bbay a, kɔl in horo Parijinyɛje tə̂ kə Sadusinyɛje ngaâ tin-naan to mə mbɔn-naan tə̂ le.

Kulaje 24:15

Munda məm dɔ Lubba tə̂ to dəwje kə̂ gatə gatə ddəm njê kə̂ gatə gatə ang ddəm kə̂ oyje a ndolje. Dede kara dunda məde tokə baann tɔ.

Kulaje 24:21

Kar tə̂ənn le mar horo njê-gangəje sariya tə̂ muru əkii m-pa nan: ‹Daw ta gangə sariya dɔm tə̂ mba tar lə dəwje kə̂ oyje kə̂ munda məm to dâ ndolje le.› Mba tar kə̂ kâra baa nəənn le njaa n̂-ddeeje nɛ̂n səm sariya tə̂ nɔnse tə̂ bbokənɛn nəənn.»

Kulaje 28:20

Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Pilipinyɛje 3:5

Dujum ngaâ m-dda ndɔ jijoo a, dujam ganja. M-to dəw kə̂ Ijarayɛl, dəw kə̂ gəl Bɛnjamɛn tə̂. M-to Ebərə, njê-kujumje to Ebərəje. Maw ngəm ndu lə Mɔyijə tokə Parijinyɛ njaa.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

Ebərəje 6:19

Əngaje jeje, nɛ̂n kə̂ jaw junda məje dɔɛ tə̂ le to tokə andə-narɛ kə̂ ɔɔy kə̂ n̂-tɔ tɔkə to tə̂ darə uwa ar nɛ̂n lo kâra. Nɛ̂n le nday kubbu kə̂ n̂-gangə nɛ̂n mə kəy-polo Lubba kə̂ mə dara tə̂ ngaâ aw tee lo tə̂ kə̂ n̂-sangə nya bbay mba Lubba.