Kulaje 23:12 - Dɔnɔn kə̂ Siki: Tar kə̂ aw arə təbbə

¹² Lo arɛ a, marə Jiipije unguje tar mə naan tə̂ ngaâ undaje-yo nan: «Ja kusa nɛ̂n ang ddəm ja kay maann ang ddəm ndərəng njaa n-tɔl Pɔl bba.»

Maketuru le Lubba ke tar kabba

¹² Lo are a, mare Jiipije unguje tar me naa te ngaa undaje yo na: «Ja kusa ne ang ddem, ja kay maann ang ddem ndereng n̂-tɔl Pɔl bba.»

Kulaje 23:12 Iomraidhean Croise

Matiye 26:4

ngaâ dunnje ndu ta kuwa Jeju kə gusu tɔlɛ̂.

Matiye 26:74

Yeenn ngaâ nunn kutu kunda yo pa nan: «M-gərə dingaw nəənn ang. Bbo mərə ngəm a, maji karə ndu-ndɔɔl lə Lubba to dɔm tə̂.» Karɛ̂ tə̂ənn njaa kuran nɔn.

Matiye 27:25

Dəwje kə̂ banya le tɔyn ilɛ̂je tə̂ nan: «Maji karə tar yo laa le oso dɔje tə̂ kə dɔ ngannje tə̂.»

Kulaje 23:13

Kɔr dəwje kə̂ unguje tar mə naan tə̂ le nday dɔsɔ.

Kulaje 23:14

Daw dingaje mbayje lə njê-poloje Lubba kə tɔkəje n̂-paje darəde nan: «Junda yo kəm dəwje tə̂ tɔyn n-pa nan: Nɛ̂n a kɔru taje ang ndərəng njaa n-tɔl Pɔl bba.

Kulaje 23:21

A dang bba oo tar ləde ang, mba dasəje nɛ̂n kə̂ dɔsɔ gire ngaâ diyaje baan. Dundaje yo ta kɔku rɔde nɛ̂n-kusa kə nɛ̂n-kay ndərəng ta tɔl Pɔl bba. N̂-gɔlje rɔde tɔyn mban, ndui njaa daw nginanje.»

Kulaje 23:30

Moo nan dâ ta kiya baan ta tɔlɛ̂. Yeenn bba, mulɛ̂ rɔi tə̂ ngaâ m-pa marə njê kə̂ undaje tar dɔɛ̂ tə̂ le karə daw kə tar laa le nɔin tə̂.»

Kulaje 25:3

n̂-dda kə de mə-maji, ta narə n̂-təl kə Pɔl Jerujalɛm. Daw ddaje baann ta kiya baan ddəw-boô tɔlje Pɔl.

Kulaje 9:23

Ndɔ nya nday ngaâ Jiipije unguje tar mə naan tə̂ ta tɔl Sɔl

Kulaje 9:24

ngaâ tar le oso mbi Sɔl tə̂. Daw ngəmje ta-ndokoje kə̂ dila n̂-guku nɛ̂n dɔ bbe le til kə kar ta tɔlɛ̂.

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.