Kulaje 23:11 - Dɔnɔn kə̂ Siki: Tar kə̂ aw arə təbbə

¹¹ Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Maketuru le Lubba ke tar kabba

¹¹ Lo ndul a, Ebbe-dewje tee inga Pɔl ngaa pa are na: «Uwa are ngeng, e-pa tar naji lem Jurusalam mban, a maji kare e-dda toke baann Rɔm tɔ.»

Kulaje 23:11 Iomraidhean Croise

Matiye 14:27

A Jeju pa arəde njangə baa nan: «Əman â nəənn, ə-bbəəlje ang!»

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 9:2

Dəwje ddeeje kə marə dingaw kə̂ dəbbə rɔɛ̂ oy kə̂ to tuwa tə̂ rɔɛ̂ tə̂. Jeju oo mə-kunn ləde le a, pa arə dəw kə̂ rɔɛ̂ oy le nan: «Ngonnəm, uwa arə ngəng, tar majangje ləi ɔru dɔi tə̂ ngaa.»

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Tar kə̂ Maji kə̂ Jan dda makəturu tə̂ 14:18

«Mâ kinyase to ngann aalje ang, mâ təl ddee rɔse tə̂.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Kulaje 18:9

Marə ndɔ til tə̂, Əbbə-dəwje pa arə Pɔl mə marə nɛ̂n tə̂ tokə lə nin nan: «Ə-bbəəl ang, əw rɔi pa tar ang, utu tai ang.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 2:25

Dabbiti pa tar dɔ Jeju tə̂ le nan: ‹Maw moo Əbbə-dəwje nɔnʼm tə̂ kə kar tɔyn, mba nee dɔ ji-kɔləm tə̂ bba karə nɛ̂n yəkəm ang.

Kulaje 20:22

A bbasinɛn Ndil-mə-nda uwam kə singa karə maw Jerujalɛm. M-gərə nɛ̂n kə̂ a kingam nu ang.

Kulaje 22:15

Mba maji karə ə-təl to nje-tar-naji laa ta ə-pa tar nɛ̂n kə̂ oo kə mbii ddəm kə kəmi ddəm nɔn dəwje tə̂ tɔyn.

Kulaje 22:18

Moo Əbbə-dəwje ngaâ n̂-pa səm tar nan: ‹Ə-tee Jerujalɛm njangə kə ddang, mba naji ləm kə̂ a kɔru le dəwje a ndikije tə̂ ang.›

1 Kɔrɛntinyɛje 9:1

Masə dda ta nɛ̂n kə̂ məm ndiki ang wa? M-to nje-kaw-kula ang wa? Moo Əbbəjeje Jeju ang wa? Sese â ə-toje to kandə kula kə̂ m-dda nɔn gɔl Əbbə-dəwje tə̂ le ang wa?

Pilipinyɛje 1:13

Mba dəwje tɔyn kə̂ aw ddaje kula kə̂y mbay tə̂ wase dəwje tɔyn kə lo lo gərəje to dilam kəy-kula tə̂ ɔju dɔ tar lə Kristə.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.