Kulaje 22:5 - Dɔnɔn kə̂ Siki: Tar kə̂ aw arə təbbə

⁵ Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Maketuru le Lubba ke tar kabba

⁵ Tɔku nje-polo Lubba, ke mbɔn̂-naa le ansiyenje a gereje to tar ke tɔkɔrɔ njaa maw m-pa neenn. Mba dede njaa darem maketuru ke ri ngakɔnje Jiipije ke isije Damase kare maw muwa nje-me-kunnje m-tɔde m-ddee ke de Jurusalam kare dula kemde ndoo.»

Kulaje 22:5 Iomraidhean Croise

Luku 22:66

Lo arɛ a, mbɔn-naan lə tɔkəje lə Jiipije, mbayje lə njê-poloje Lubba kə njê-gərəje-Ndu mbɔnje naan ngaâ arəje n̂-ddee kə Jeju lo gangə sariya tə̂.

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Kulaje 2:29

«Ngakɔnʼmje, ddəw ɔru arəm karə m-pa tar nəənn kə majɛ̂ marəse: kajeje Dabbiti oy, n̂-dubbe ngaâ dɔbarɛ̂ to horoje tə̂ baa bbay.

Kulaje 22:1

«Ngakɔnʼmje, bɔydede, ooje naji ləm kə̂ mâ ta kɔru karəse nəənn.»

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 26:10

M-dda nɛ̂ɛnn le Jerujalɛm. Mbayje lə njê-poloje Lubba arəmje ddəw arə əman kə da-rɔm njaa mungu njê-mə-kunnje nya kəy-kula tə̂ ngaâ bbo daw ta tɔlde a, m-ndiki tə̂ tɔ.

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Kulaje 26:12

«Marə ndɔ mbayje lə njê-poloje Lubba arəmje ddəw karə maw Damas kə ride maw muwa njê-mə-kunnje.

Kulaje 28:17

Ndɔ mota goe tə̂ a, Pɔl bbar tɔkə dəwje lə Jiipije kə̂ isije Rɔm ta-kəy tə̂ laa. N̂-mbɔnje naan a, n̂-pa narəde nan: «Ngakɔnʼmje, m-dda marə nɛ̂n kə̂ maji ang kə dəwje ləje ang ddəm m-mbətə nɛ̂n-ji-bbe lə kajeje ang ddəm. A duwam Jerujalɛm ngaâ dinyam mə ji dəwje tə̂ kə̂ Rɔm.

Kulaje 28:21

Dilɛ̂je tə̂ nan: «Jinga marə makəturu kə̂ in nangə Jude tə̂ dɔi tə̂ ang ddəm marə ngakɔnje kara ddee pa tar dɔi tə̂ arəje wase pa tar ləi maji ang arəje ang ddəm.

Kulaje 3:17

«A ngakɔnʼmje, m-gərə maji to sese kə njê-kɔn dɔseje ə-ddaje nɛ̂n baann mba to nɛ̂n kə̂ ə-gərəje ang.

Kulaje 4:5

Lo arɛ a, njê-kɔnje dɔ Jiipije kə tɔkəje kə njê-gərəje-Ndu kə̂ eeje Jerujalɛm mbɔnje naan.

Kulaje 5:21

Njê-kaw-kulaje le ooje tɛɛ̂ ngaâ lo a ta karɛ a, dawje kəy-polo Lubba tə̂ daw tɔjuje nɛ̂n. Tɔkə nje-polo Lubba kə njê kə̂ mbɔrɛ̂ tə̂ n̂-bbarje tɔkəje lə dəwje kə Ijarayɛl karə duwa dɔ naan lo gangə sariya tə̂ lə Jiipije. Dulaje kəy-kula tə̂ karə n̂-ddee kə njê-kaw-kulaje le.

Kulaje 9:14

Lo tə̂ nəənn njaa kara, mbayje lə njê-poloje Lubba arɛ̂je ddəw karə n̂-ddee nuwa dəwje tɔyn kə̂ aw bbarje rii.»

Galatəje 1:13

Mba ooje tar nɛ̂n-ddaje ləm kə̂ dɔngɔr, kar tə̂ kə̂ m-nayn maw polo nɛ̂n Lubba tokə lə Jiipije le. Maw mula kəm Egilisi lə Lubba ndoo tə̂ nya ddəm maw tuju Egilisi le ddəm.

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.