Kulaje 22:3 - Dɔnɔn kə̂ Siki: Tar kə̂ aw arə təbbə

³ «M-to Jiipi, dujum Tarsə nangə tə̂ kə̂ Silisi. A n̂-ngəməm Jerujalɛm nəənn. M-ndo nɛ̂n kɔ Gamaleyɛl tə̂ dɔ tar ngəm ndu tə̂ lə kajeje. Munn rɔm tɔyn marə Lubba tokə aw ddaje bbokənɛn nəənn.

Maketuru le Lubba ke tar kabba

³ «M-to Jiipi, dujum Tarese nange Silisi te. A n̂-ngemem Jurusalam neenn. M-ndo ne kɔ Gamaleyel te dɔ tar ngem ndu te le kajeje. Munn rɔm tɔyn mare Lubba ddew kara baa toke aw ddaje bbokone.

Kulaje 22:3 Iomraidhean Croise

Luku 10:39

Ngokɔn Martə le kə̂ dɛnɛ̂n to, ria nan Mari. Ngokɔɛ̂n le ddee isi nɔn gɔl Əbbə-dəwje tə̂ aw oo tar laa.

Luku 2:46

Dda ndɔ mota bba dingɛ̂je mə kəy-polo Lubba tə̂, nisi dannâ horo Njê-gərəje-Ndu tə̂, naw noo tar ləde ddəm naw dujude tar ddəm.

Luku 8:35

Dəwje awje ta koo nɛ̂n kə̂ to le. N̂-ddeeje rɔ Jeju tə̂ ngaâ dingaje dingaw kə̂ ndilje teeje məɛ̂ tə̂ kə ddang le, nisi nangə̂ kɔ gɔl Jeju tə̂. Kubbu to rɔ dingaw tə̂ le ddəm kəjə laa təl to kə majɛ̂ ddəm ngaâ bbəəl uta dɔde.

Kulaje 11:25

Goe tə̂ a, Barnabas le ɔtu aw bbe tə̂ kə̂ Tarsə mba sangə Sɔl.

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

Kulaje 15:41

Pɔl nday nangə tə̂ kə̂ Siri kə Silisi, n̂-ndəjə dəwje kə̂ Egilisije tə̂ le karə duwaje mə-kunn ləde darə ngəng.

Kulaje 21:20

Dəwje kə̂ ooje tar lə Pɔl ɔsuje gaji Lubba ngaâ paje arɛ̂ nan: «Oo, ngokɔnje, Jiipije nya nya ooje məde tə̂ ngaâ daw ngəmje Ndu lə Mɔyijə kə majɛ̂ njaa.

Kulaje 21:39

Pɔl ila tə̂ nan: «M-to Jiipi kə̂ dujum Tarsə, nangə tə̂ kə̂ Silisi, m-to dəw kə̂ bbe tə̂ kə̂ ria bbar nya. M-wali nya karə arəm ddəw m-pa tar marə dəwje nəənn.»

Kulaje 23:34

Mbay le tura makəturu le a, duju ta gərə se Pɔl to dəw kə̂ nangə tə̂ kə̂ dda wa? N̂-pa darɛ̂ nan Pɔl to dəw kə̂ nangə tə̂ kə̂ Silisi.

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 26:5

N̂-gərəmje ləw baa. Bbo n̂-ndikije a, dâ kasəje ta pa kari to, kisi tə̂ ləm, misi to Parijinyɛ, dəw kə̂ uwa tar lə Lubba ngəng nya.

Kulaje 26:9

«Əman kara məjə m-pa nan to maji karə m-dda singa nya mba koo ri Jeju kə̂ Najarɛtə nəənn kə mbim ang.

Kulaje 5:34

A marə Parijinyɛ kə̂ ria nan Gamaleyɛl kə̂ to nje-gərə-Ndu kə̂ dəwje ndikije tar laa nya isi lo gangə sariya tə̂ənn le. Nin taar nunn ndu karə n̂-tee kə njê-kaw-kulaje le ddaka ngaji.

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Kulaje 9:1

Kar tə̂ənn, kəjə dda singa kə kəjə tɔl njê-njaje go Əbbə-dəwje tə̂ dɔrɔ â nayn mə Sɔl tə̂ kə ndɔ tɔyn. Yeenn bba naw rɔ tɔkə nje-polo Lubba tə̂,

Kulaje 9:11

Əbbə-dəwje pa nan: «Aw ddəw tə̂ kə̂ daw bbar nan ddəw kə̂ Ndɔju, ta andə mə kəy tə̂ lə Judas, ə-duju marə dingaw kə̂ bbe tə̂ kə̂ Tarsə, ria nan Sɔl. Naw duju Lubba kar tə̂ nəənn

Kulaje 9:30

Njê-mə-kunnje gərəje tarɛ̂ ngaâ awje saa Sejare arə naw Tarsə.

Rɔmɛnje 11:1

M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

2 Kɔrɛntinyɛje 11:22

N̂-toje to Ebərəje, a əman kara m-to Ebərə tɔ. N̂-toje to dəwje kə̂ Ijarayɛl, a əman kara m-to dəw kə̂ Ijarayɛl tɔ. N̂-toje to ngaka Abaraham, a əman kara m-to ngoka Abaraham tɔ.

Galatəje 1:14

Karɛ̂ tə̂ənn le ngamarəm Jiipije kə̂ bbaləm kə de asə naan, mutade tɔyn ddəwe tə̂, mba munn rɔm tɔyn ta ngəm nɛ̂n-ji-bbeje lə kajeje.

Galatəje 1:21

Goe tə̂ a, maw nangə tə̂ kə̂ Siri kə Silisi.