Kulaje 21:8 - Dɔnɔn kə̂ Siki: Tar kə̂ aw arə təbbə

⁸ Lo-karɛ̂ a, n-təl junn ddəw jaw tee Sejare. Lo tə̂ənn jaw kə̂y lə Pilipi kə̂ to nje-tɔju Tar kə̂ Maji lə Lubba kə̂ ee horo marɛ̂je tə̂ kə̂ siri kə̂ n̂-mbərəde Jerujalɛm ngaâ n-to kə̂y laa.

Maketuru le Lubba ke tar kabba

⁸ Lo kare a, n̂-tel junn ddew jaw n̂-tee Sejare. Lo teenn jaw key le Pilipi nje-tɔju Tar ke maji le Lubba ke to kara le dewje ke siri ke n̂-mberede Jurusalam ngaa n̂-to key laa.

Kulaje 21:8 Iomraidhean Croise

Kulaje 10:1

Marə dingaw ee bbe tə̂ kə̂ Sejare, ria nan Kɔrnɛy, n̂-to nje-kɔn dɔ mbambaje kə̂ dunda ri mbɔn-naan ləde nan «mbɔn-naan kə̂ Itali».

Kulaje 16:10

Go nɛ̂n tə̂ kə̂ Pɔl oo le a, kar tə̂ənn njaa n-sangə ddəw ta kaw Maseduwann le, mba n̂-gərə to Lubba bbarje karə jaw pa Tar kə̂ Maji Maseduwann le.

Kulaje 16:13

Ndɔ-kuwa-rɔ tə̂ lə Jiipije, jin mə bbe tə̂ le n-tee jaw kar maann tə̂, mba jəjə to lo duju Lubba lə Jiipije a to lo tə̂ənn. Jisi nangə̂ ngaâ n-pa tar jarə dɛnɛ̂nje kə̂ mbɔnje naan lo tə̂ənn le.

Kulaje 16:16

Marə ndɔ jaw kə lo duju Lubba tə̂ a, marə ngonn mandə kə̂ to nje-kula lə marə dəw tee ingaje. Ndil nɛ̂n-ndɔn kə̂ maji ang isi mə ngonn mandə tə̂ le. Nɛ̂n-ndɔn laa le dda arə əbbeejedede ingaje nɛ̂n nya.

Kulaje 18:22

N̂-tee Sejare a, naw dda lapiya njê-mə-kunnje kə̂ Jerujalɛm ngaâ n̂-nday naw Antiyos.

Kulaje 20:13

Jeje, junn tɔkə to jɔtu ta kaw bbe tə̂ kə̂ Asos dɔngɔr. Lo tə̂ənn â ja kunn Pɔl mba nunn ndue ta kaw laa kə gɔlɛ̂.

Kulaje 20:6

A jeje, ndɔ kusu mapa kə̂ n̂-dda kə wum ang nday a, junn tɔkə to tɔkə bbe tə̂ kə̂ Pilipi, n-dda ndɔ min a, jingade Torowas. N-nayn lo tə̂ənn ndɔ siri.

Kulaje 21:16

Marə njê-mə-kunnje kə̂ Sejare kə̂ aw dannjeje Jerujalɛm awje kə je arə n-to kəy lə Nasɔn bbe tə̂ kə̂ Sipərə. Nasɔn le to nje-mə-kunn ləw baa.

Kulaje 23:23

Goe tə̂ a, mbay lə mbambaje bbar marə ngann mbayje lə mbambaje joo ngaâ pa arəde nan: «Ə-gɔlje mbambaje kɔr joo, njê-sundaje dɔsiri, njê-ningaje kɔr joo arə n̂-toje ngɔsi ta dawje Sejare kə kar jikara kə̂ til tə̂.

Kulaje 27:1

Dunn ndu karə junn tɔkə to jaw Itali a, jinya Pɔl kə marə dəwje kə̂ duwade mə ji mbay tə̂ lə mbambaje kə̂ Rɔm kə̂ ria nan Juliyus. Dunda ri mbambaje le nan «mbambaje le tɔkə mbay.»

Kulaje 28:11

N-dda to nɛyn mota dɔ dərə-ba tə̂ le nunn bba goe tə̂ a, junn tɔkə to kə̂ in Alɛkəjandiri tə̂ ddee. Ri tɔkə to le nan «lubbaje kə̂ toje to ndungaje». Tɔkə to le ar tə̂ənn karə nɛyn-kul nday bba ta kɔtu.

Kulaje 28:16

N-tee Rɔm a, darə ddəw Pɔl karə uwa kəy laa dang. Dunn marə mbamba kâra karə ngəmɛ̂.

Kulaje 6:5

Dəwje kə̂ mbɔnje naan le tɔyn ndikije tar tə̂ kə̂ njê-kaw-kulaje paje arəde le. Yeenn bba, dəwje kə̂ n̂-mbərəde to Etiyɛnn kə̂ mə-kunn ddəm Ndil-mə-nda ddəm dduse, Pilipi, Porokɔr, Nikanɔr, Timɔn, Parmenas kə Nikola kə̂ to dəw kə̂ Antiyos kə̂ aw bbəəl Lubba lə Mɔyijə.

Kulaje 9:30

Njê-mə-kunnje gərəje tarɛ̂ ngaâ awje saa Sejare arə naw Tarsə.

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.