Kulaje 21:13 - Dɔnɔn kə̂ Siki: Tar kə̂ aw arə təbbə

¹³ A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Maketuru le Lubba ke tar kabba

¹³ A nilaje te na: «Ddi bba aw nɔje ne ngaa aw ddaje are mem aw gange maann wa? Toke n̂-tɔm ke kula wase n̂-tɔlum Jurusalam wɔju dɔ ri Ebbe-dewje Jeju kara m-ndiki te.»

Kulaje 21:13 Iomraidhean Croise

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 20:37

Dede tɔyn duruje dɔ nɔn tə̂. Dilaje Pɔl duwɛ̂je karde tə̂ ngaâ n̂-toje mbia.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Kulaje 9:16

Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 2:26

N̂-dda bbo nya ta təl kaw koose tɔyn ddəm n̂-jɔku rɔɛ̂ nya mba tar rɔ-to laa kə̂ ooje le ddəm.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

2 Timɔte 1:4

Məjə dɔ nɔn tə̂ kə̂ ə-nɔn a, maal təl kooi ddam nya, baann bba mâ kisi kə rɔ-nəəl.

2 Timɔte 4:6

Əman, kar kə̂ dâ kunnum karə to nɛ̂n-polo asə mban ngaâ m-nayn ngɔsi baa ta koy ngaa.

2 Piyɛr 1:14

Mba m-gərə to m-to ngɔsi ta kinya dɔ nangə nəənn ngaa. Əbbə-dəwje Jeju-Kristə tɔjum arə m-gərə.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.