Kulaje 20:4 - Dɔnɔn kə̂ Siki: Tar kə̂ aw arə təbbə

⁴ Dəwje kə̂ dannɛ̂je to Sopatɛr kə̂ to ngonn lə Pirus kə̂ bbe laa Bere, Aristarkə de kə Sekundus kə̂ bbe laa Tesalonikə, Gayus kə̂ bbe laa Dɛrbə, Timɔte kə Tisikə de kə Toropim kə̂ n̂-toje to dəwje kə̂ ngann bbeje tə̂ kə̂ Aji.

Maketuru le Lubba ke tar kabba

⁴ Dewje ke danneje toje to Sopatorose ke to ngonn le Pirusu ke bbe laa Bere, Aristarke de ke Sekundusu ke bbe lede Tesalonike, Gayusu ke bbe laa Derbe, Timote, ke Tisike de ke Toropim ke toje to dewje ke ngann bbeje te ke Aji.

Kulaje 20:4 Iomraidhean Croise

Kulaje 14:20

A kar kə̂ njê-njaje go Əbbə-dəwje tə̂ ddeeje gukuje dɔɛ̂ a, nin taar n̂-təl nandə mə bbe tə̂ le. Lo arɛ a, ne de kə Barnabas dawje Dɛrbə.

Kulaje 14:6

Pɔl de kə Barnabas dooje tarɛ̂ a, daw diyaje rɔde mə bbeje tə̂ kə̂ Likawoni, Listərə, Dɛrbə kə loje tə̂ kə̂ mbɔr bbeje tə̂ənn.

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 17:1

Pɔl de kə Silas n̂-ndayje kə ddəw kə̂ bbe tə̂ kə̂ Ampipolis kə Apoloni ngaâ n̂-teeje Tesalonikə, lo kə̂ marə kəy mbɔn-naan lə Jiipije to tə̂.

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 19:29

Tar le taa mə bbe le tɔyn ngaâ dɔtuje kə ngɔru dawje natâ daw duwaje njê-buwa-njaje lə Pɔl, Gayus de kə Aristarkə kə̂ toje to dəwje kə̂ Maseduwann le dawje kə de.

Kulaje 2:9

Jeje kə̂ jinje nangə tə̂ kə̂ Partə, Mɛdə kə Elam, dəwje kə̂ Mejopotami, dəwje kə̂ Jude, kə̂ Kapados, kə̂ Pɔn, kə̂ Aji,

Kulaje 20:16

Pɔl ndiki ta kar lo kâra Epɛjə ang, mba n̂-ndiki karə gɔl kar laa nday baa nangə tə̂ kə̂ Aji ang. N̂-ndiki ta kaw kə ngɔru ta bbo ddəw to a, tee Jerujalɛm ndɔ kusu Pantekotə tə̂.

Kulaje 20:18

N̂-ddee dingɛ̂je ngaâ n̂-pa narəde nan: «Ə-gərəje ddəw kə̂ maw nja nɛ̂n horose tə̂ kə majɛ̂, unn kute dɔngɔr ndɔ tə̂ kə̂ m-tee nɛ̂n horose tə̂ nangə tə̂ kə̂ Aji.

Kulaje 21:29

Kete, dooje Toropim kə̂ to dəw kə̂ Epɛjə mbɔr Pɔl tə̂ le Jerujalɛm nəənn arə dəjəje to naw saa kəy-polo Lubba tə̂.

Kulaje 27:2

Junn tɔkə to kə̂ Adramitə kə̂ a ta kaw bbeje tə̂ kə̂ Aji kə̂ to kar maann tə̂ ngaâ jaw. Aristarkə kə̂ to dəw kə̂ Tesalonikə, nangə tə̂ kə̂ Maseduwann aw kə je.

Rɔmɛnje 16:21

Timɔte kə̂ to nje-kula marəm ddase lapiya. Lusiyus kə Jajɔn de kə Sosipatɛr kə̂ n̂-toje to nujuje ləm, n̂-ddase lapiya tɔ.

Rɔmɛnje 16:23

Əman Pɔl m-pa marəse, Gayus kə̂ m-to kəy laa kə Egilisi kə̂ to kəy laa ddase lapiya. Erastə kə̂ to nje-ngəm narɛ kə̂ bbe tə̂ le ddase lapiya. Ngokɔnje Kartus ddase lapiya tɔ. [

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

Epɛjinyɛje 6:21

M-ndiki karə ə-gərəje tar dɔ kisi tə̂ ləm kə dɔ nɛ̂nje tə̂ kə̂ maw dda. Tisikə kə̂ to ngokɔnʼm kə̂ m-ndike ngaâ to dəw kə̂ aw dda kula lə Əbbə-dəwje kə dɔgɔlɛ̂ a pa tar dɔ nɛ̂nje tə̂ tɔyn karəse.

Pilipinyɛje 2:19

Munda məm to Əbbə-dəwje Jeju a karəm ddəw karə mula Timɔte rɔse tə̂ mə ndɔje tə̂ nəənn, karə n̂-pa tar ləse narə moo bba mâ kinga singa.

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.

Kolosinyɛje 4:7

Ngokɔnje Tisikə kə̂ m-ndike nya â a pa tar kisi ləm kə̂ misi tɔyn karəse. N̂-to nje-kula marəm kə̂ aw dda kula lə Əbbə-dəwje kə dɔgɔlɛ̂.

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

2 Timɔte 1:2

M-dda makəturu nəənn mula nɛ̂n mari, əi ngonnəm Timɔte kə̂ m-ndikii nya. Maji karə Lubba kə̂ Bɔ, de kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

2 Timɔte 4:12

Mula Tisikə Epɛjə.

2 Timɔte 4:20

Erastə nayn Kɔrɛntə. Minya Toropim kə rɔ-to bbe tə̂ kə̂ Milɛ.

Titə 3:12

Bbo mula Artemas wase Tisikə rɔi tə̂ a, ə-dda gan ə-ddee ingam Nikopolis, mba to lo kə̂ m-ndiki ta kaw kisi tə̂ dɔ nɛyn-kul tə̂.

Pilemɔn 1:24

Markə kə Aristarkə kə Demas de kə Luku kə̂ daw dumanʼmje kula tə̂, n̂-ddaije lapiya tɔ.

3 Jan 1:1

Əman tɔkə le, m-dda makəturu nəənn mari əi Gayus kə̂ m-ndikii kə ndiki kə̂ tɔkɔrɔ.