Kulaje 2:42 - Dɔnɔn kə̂ Siki: Tar kə̂ aw arə təbbə

⁴² Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Maketuru le Lubba ke tar kabba

⁴² Nje-me-kunnje le unnje rɔde tɔyn mba kaw koo ne-tɔju le nje-kayn-kulaje ke ndɔ tɔyn, daw dulaje nuju naa te, daw n̂-ddaje me-kara ngaa daw n̂-dujuje Lubba.

Kulaje 2:42 Iomraidhean Croise

Luku 24:30

Nisi ta nɛ̂n-kusa tə̂ kə̂ de a, nunn mapa, narə wooyo Lubba ngaâ goe tə̂ a, n̂-tətə dannâ n̂-kaynde.

Luku 24:35

Njê-njaje go Jeju tə̂ kə̂ joo le ɔruje gəl nɛ̂n kə̂ ingade ddəw-boô kə ddəw kə̂ n̂-gərəje nɛ̂n Jeju le, kar tə̂ kə̂ naw kayn nɛ̂n de mapa le.

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 20:11

Goe tə̂ a, Pɔl təl aw taar. N̂-tətə mapa nusa. N̂-pa tar narə dəwje ndərəng ta lo-karɛ a, nɔtu.

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

Kulaje 4:23

Go kinya tə̂ kə̂ dinyade le a, Piyɛr de kə Jan le daw dingaje njê-buwa-njaje ləde ngaâ dɔruje gəl nɛ̂nje kə̂ mbayje lə njê-poloje Lubba kə tɔkəje paje arəjede le.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Kulaje 6:4

A Jeje, ja kunnje rɔje mba kula duju Lubba kə kula tɔju tar lə Lubba.»

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

1 Kɔrɛntinyɛje 10:21

Asəje ta kay nɛ̂n mə əngo-narɛ tə̂ lə Əbbə-dəwje ddəm mə əngo-narɛ tə̂ le ndilje kə̂ maji ang ddəm ang.

1 Kɔrɛntinyɛje 11:2

Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

1 Kɔrɛntinyɛje 14:6

Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.

Galatəje 1:6

Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 1:5

mba kuman kə̂ aw umanʼmje ddəw kila mbər Tar tə̂ kə̂ Maji arəje aw kə kete kete, kunn-kute tə̂ nu ndərəng bbokənɛn.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 4:2

Maji karə ə-naynje ddəw duju Lubba tə̂. Arəje məse to dɔɛ tə̂ ngaâ arəje wooyo Lubba.

2 Timɔte 3:14

A əi, maji karə nɛ̂n kə̂ n̂-tɔji ngaâ oo a, to tɔkɔrɔ bba ə-ndiki tə̂ le uwa arə ngəng, mba ə-gərə dəwje kə̂ tɔjije nɛ̂n le kə majɛ̂.

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 10:39

A jeje, dəwje kə̂ təlje kə guku ngaâ naynje kə kɔrɔ̂ le jeeje horode tə̂ ang. Jeeje horo dəwje tə̂ kə̂ ooje məde tə̂ ta kinga nɛ̂n kaji.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.