Kulaje 2:40 - Dɔnɔn kə̂ Siki: Tar kə̂ aw arə təbbə

⁴⁰ Piyɛr pa tarje dang dang mba kɔru nɛ̂n naji ddəm mba karə dubbaje nɛ̂n singa ddəm. N̂-pa nan: «Ə-teeje horo njê-mə-majangje tə̂ kə̂ bbasinɛn nəənn kə ddang arəje Lubba ajise.»

Maketuru le Lubba ke tar kabba

⁴⁰ Piyar pa tarje dang dang mba pa ne tar-naji ddem mba kɔsu ne kutude ddem. Ngaa n̂-pa na: «E-teeje horo nje-me-maji angje te ke bbasine ke ddang areje Lubba ajise.»

Kulaje 2:40 Iomraidhean Croise

Matiye 12:34

See əmbakaraje. Sese kə̂ ə-majije ang le, â kasəje ta pa tar kə̂ maji tokə baânn wa? Mba tarje kə̂ ddusu mə dəw â aw teeje tɛɛ̂ tə̂.

Matiye 16:4

Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.» Goe tə̂ a, Jeju inyade a ɔtu.

Matiye 17:17

Jeju pa nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Matiye 23:33

See lije, ko əmbakaraje, â kasəje ta tee ta sariya puru tə̂ kə̂ aw ɔn kə ndɔ kə ndɔ tokə baânn wa?

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Tar kə̂ Maji kə̂ Jan dda makəturu tə̂ 21:25

Jeju dda marə nɛ̂nje nya bbay. Bbo n̂-dda nɛ̂njeenn tɔyn kə goe goe Makəturu tə̂ a, məjə to dɔ nangə tə̂ nəənn tɔyn njaa lo a kasə ta kungu makəturuje le tə̂ ang.

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 20:11

Goe tə̂ a, Pɔl təl aw taar. N̂-tətə mapa nusa. N̂-pa tar narə dəwje ndərəng ta lo-karɛ a, nɔtu.

Kulaje 20:2

N̂-nday nangə tə̂ kə̂ Maseduwann n̂-ndəjə njê-mə-kunnje nya karə dinga singa ngaâ naw Gerɛsə.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 20:9

Marə ngonn kə̂ dingaw kə̂ ria nan Ətik isi ta kəm lo tə̂ kə̂ kar kəy tə̂ le, kar kə̂ Pɔl nayn aw pa tar bbay a, bbi uta dɔɛ̂ arə nin kəy tə̂ kə̂ to dɔ marɛ̂ tə̂ to mota laa le noso nangə̂. Daw ta kuwɛ̂ kə taar a, noy mban.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 4:36

Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

2 Kɔrɛntinyɛje 6:17

Mba yeenn bba, Əbbə-dəwje pa bbay nan: «Ə-teeje horode tə̂ kə ddang ta isije dang. Ɔruje nɛ̂n-yərəw kâra kə jise ang, a əman, mâ taase kə̂ rɔm tə̂.»

Galatəje 5:3

M-təl m-pa bbay marə dəw kə̂ arə dujɛ̂ ganja: To tar laa ta dda nɛ̂n tɔyn kə̂ Ndu pa.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.