Kulaje 2:39 - Dɔnɔn kə̂ Siki: Tar kə̂ aw arə təbbə

³⁹ Mba ndu-kunn nəənn le to mbase kə ngannse, to mba dəwje kə̂ isije ddəw əw kə dəwje kə̂ banya kə̂ Əbbə-dəwje Lubba ləje a bbarde.»

Maketuru le Lubba ke tar kabba

³⁹ Mba ndu neenn le to wɔju dɔse, ke ngannse, dewje ke isije ddew ew, ke dewje ke banya banya ke Ebbe-dewje Lubba leje a bbarde.»

Kulaje 2:39 Iomraidhean Croise

Kulaje 10:45

Njê-mə-kunnje kə̂ toje to Jiipije kə̂ dannje Piyɛr le dɔde ayn, mba dooje a, Lubba arə Ndil-mə-nda dəwje kə̂ toje to Jiipije ang tɔ.

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Kulaje 15:14

Bbasinɛn bbay nəənn Simɔn ole məje dɔ gusu tə̂ kə̂ Lubba gɔl kunn-kutu nɛ̂n tə̂ njaa ta mbərə marə dəwje horo gəl-dəwje tə̂ kə̂ gərəje Lubba ang karə n̂-ddeeje to dəwje laa.

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Rɔmɛnje 11:29

Mba bbo Lubba arə nɛ̂n dəw kə mə-maji laa a, təl taa ang ddəm Lubba bbar dəw a, təl mbəte ang ddəm.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Rɔmɛnje 9:24

Dəwjeenn le toje to jeje kə̂ Lubba mbərəje. N̂-mbərəje horo Jiipije tə̂ kə karəde baa ang, horo dəwje tə̂ kə̂ toje to Jiipije ang tɔ.

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

1 Kɔrɛntinyɛje 7:14

Mba dingaw kə̂ to nje-mə-kunn ang le a ddee maji kəm Lubba tə̂ ddəw tə̂ lə dɛnɛ̂n laa le ngaâ dɛnɛ̂n kə̂ to nje-mə-kunn ang le a ddee maji kəm Lubba tə̂ ddəw tə̂ lə ngokɔnje kə̂ nje-mə-kunn le. Bbo baann ang a, ngannse a majije kəm Lubba tə̂ ang, a kə̂ tɔkɔrɔ tə̂, ngannje le majije kəmɛ̂ tə̂ njaa.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 4:4

Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.

2 Tesalonisinyɛje 1:11

Mba yeenn bba, jaw duju Lubba kə ndɔ tɔyn mba tar ləse, karə narə pa-nja ləse to lə dəwje kə̂ ne njaa n̂-bbarde. Jaw duju karə ddəw singa-mɔngu tə̂ laa, narəse singa karə ə-ddaje nɛ̂nje tɔyn kə̂ maji kə̂ ə-ndikije ta dda ngaâ karə ə-ddaje kulaje ddəw mə-kunn tə̂ ləse.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 19:9

Anjə le pa arəm nan: «Uja tar nəənn makəturu tə̂: ‹Maji arə dəwje kə̂ n̂-bbarde kusu taa-naan tə̂ lə Ngonn batə!› » Goe tə̂ a, n̂-pa narəm nan: «To tarje lə Lubba njaa.»