Kulaje 2:23 - Dɔnɔn kə̂ Siki: Tar kə̂ aw arə təbbə

²³ Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Maketuru le Lubba ke tar kabba

²³ Jeju le dunne dulae jise te ddew kara baa ke ndu ke Lubba njaa unn toke kete ddem ddew kara baa ke ne ke Lubba mɔse lew baa ddem. Uwaeje ilaeje ji dewje te ke maji ang areje n̂-tɔleje kake-dese te.

Kulaje 2:23 Iomraidhean Croise

Matiye 20:19

ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Matiye 27:35

N̂-bbəreje kakə-dəsə tə̂ le ngaâ n̂-ddɔje mbari n̂-kaynje nɛ̂n naan kubbuje laa.

Marke 15:24

N̂-bbəreje kakə-dəsə tə̂ le ngaâ n̂-ddɔje mbari n̂-kaynje nɛ̂n naan kubbuje laa.

Luku 22:22

Ngonn lə dəw a koy, mba to nɛ̂n kə̂ Lubba â ɔju. A, a to ndoo nya karə dəw kə̂ a kunn dɔ Ngonn lə dəw le.»

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Luku 23:33

N̂-teeje lo tə̂ kə̂ daw bbar nan «Ka-dɔ-dəw» a, n̂-bbərəje Jeju kakə-dəsə tə̂ ngaâ n̂-bbərəje njê-nɛ̂n-ddaje kə̂ maji ang kə̂ joo le kakə-dəsəje tə̂ tɔ. Kâra dɔ ji-kɔl Jeju tə̂, a kâra dɔ ji-gəle tə̂.

Luku 24:20

Mbayje lə njê-poloje Lubba kə̂ bbeê ləje kə tɔkə mbayje ləje ilɛ̂je ji dəwje tə̂ arə n̂-gangəje sariya-yo dɔɛ̂ tə̂ ngaâ n̂-tɔlɛ̂ kakə-dəsə tə̂.

Tar kə̂ Maji kə̂ Jan dda makəturu tə̂ 19:18

Mbambaje bbərəje Jeju kakə-dəsə tə̂ lo tə̂ənn le. Kar tə̂ənn njaa, n̂-bbərə marə dingawje joo kakə-dəsə tə̂ tɔ, marɛ̂ kâra dɔ ji-gəl Jeju tə̂, a marɛ̂ kâra dɔ ji-kɔlɛ̂ tə̂.

Tar kə̂ Maji kə̂ Jan dda makəturu tə̂ 19:24

Mbambaje le paje arə naan nan: «N-tirje kubbu nəənn ang. N-ddɔje mbari jooje se nân bba a bu wa?» Baann bba karə tar kə̂ Makəturu lə Lubba pa nəənn ddee to tar kə̂ tɔkɔrɔ. Tar le nan: «N̂-kaynje naan kubbuje ləm, ngaâ dunnje kubbu ləm kə̂ ngal n̂-ddɔje nɛ̂n mbari.» Nɛ̂ɛnn le njaa mbambaje ddaje.

Kulaje 13:27

Njê kə̂ Jerujalɛm kə mbayje ləde gərəje Jeju ang. N̂-gərəje mə tar kə̂ njê-kilaje mbər tar lə Lubba paje kə̂ daw turaje kə ndɔ-kuwa-rɔ kâra kâra tɔyn le ang. N̂-ddaje nɛ̂n kə̂ njê-kilaje mbər tar paje le. Yeenn bba, n̂-gangəje sariya-yo dɔ Jeju tə̂.

Kulaje 15:18

N̂-tɔju dəwje nɛ̂n kə̂ nəjə ta dda le ləw baa.›

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Kulaje 4:28

Baann â, n̂-ddaje darə nɛ̂n tɔyn kə̂ ə-gɔl kete ddəw singa-mɔngu tə̂ ləi kə ddəw mə-ndiki tə̂ ləi le ddee to nɛ̂n kə̂ tɔkɔrɔ.

Kulaje 5:28

«Junn ndu ngəng nya jarəse karə ə-tɔjuje nɛ̂n kə̂ ri dingaw nəənn ang. A dda tokə baânn bba nɛ̂n-tɔju ləse taa mə bbe kə̂ Jerujalɛm tɔyn nəənn wa? Aw ddaje karə tar yo laa uwa dɔje wa?»

Kulaje 5:30

Lubba lə kajeje arə Jeju kə̂ ə-bbəreje dɔ kakə-dəsə tə̂ ə-tɔlɛ̂je le ndol.

Kulaje 7:52

Marə nje-kila mbər tar lə Lubba kə̂ kaseseje ddaje saa singa ang to nân wa? Kaseseje tɔlje njê kə̂ aw ilaje mbər lə dəw kə̂ gatə gatə kete bba karə n̂-ddee. A bbasinɛn sese njaa kara ə-labbəje dəw kə̂ gatə gatə le ngaâ ə-tɔlɛ̂je.

Rɔmɛnje 2:12

Dəwje tɔyn kə̂ gərəje Ndu lə Mɔyijə ang ngaâ aw ddaje majang, n̂-gərəje Ndu lə Mɔyijə le ang njaa, a dâ koyje. A dəwje tɔyn kə̂ gərəje Ndu le kə majɛ̂, a aw ddaje majang, dâ gangə sariya dɔde tə̂ ddəw Ndu tə̂ lə Mɔyijə le.

Rɔmɛnje 4:17

tokə Lubba pa tarɛ̂ Makəturu tə̂ laa nan: «Mundai to bɔ gəl-dəwje kə̂ banya.» Kəm Lubba tə̂ kə̂ noo məɛ̂ tə̂ saa le, Abaraham to bɔjeje. Lubba kə̂ arə təbbə dəwje kə̂ oyje ngaâ aw dda arə nɛ̂nje kə̂ toje ang bbay toje.

1 Tesalonisinyɛje 2:15

Jiipije â tɔlje Əbbə-dəwje Jeju kə njê-kilaje mbər tar lə Lubba. Dulaje kəmje ndoo tə̂ tɔ. N̂-nəəlje kəm Lubba tə̂ ang ngaâ n̂-toje to njê-baanje lə dəwje tɔyn.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.